Siriýa bagyşlanan Stambul sammiti tamamlandy
Türkiýäniň, Russiýanyň, Fransiýanyň we Germaniýanyň liderleri Siriýada ýüzlerçe müň adamyň ölümine sebäp bolan graždançylyk urşuny BMG-niň howandarlygyndaky syýasy prosses bilen bes etmek baradaky garaýyşlaryny tekrarladylar.
Germaniýanyň kansleri Angela Merkel şenbe güni Stambulda geçirilen sammitden soň, oňa gatnaşyjylaryň “meseläni çözmek ugrunda umumy ymtylmany äşgär edendiklerini” aýtdy.
“Umumy çözgüt harby däl, diňe BMG-niň howandarlygyndaky syýasy prosses bilen tapylar” diýip, ol sözüne goşdy.
Sammite Merkelden başga-da rus prezidenti Wladimir Putin, türk prezidenti Rejep Taýyp Erdogan we fransuz prezidenti Emmanuel Makron hem gatnaşdy.