Ermenistanlylar irki parlament saýlawlarynda ses berýärler
Dokuz aý öň müňlerçe protestçiniň köçelere çykmagy netijesinde, parahat ýagdaýda hökümet çalşan ermenistanlylar, has demokrati dolandyryşa umyt baglap, irki parlament saýlawlarynda ses berýärler.
Saýlawdan öňki pikir soramalary ýerine ýetiriji premýer-ministr Nikol Paşinýanyň “Meniň ädimimi” ýaranlygynyň 9-njy dekabrdaky irki saýlawlarda ýeňmek ähtimallygyny görkezdi.
Hut Paşinýanyň, ozalky korrupsiýa garşy žurnalistiň ýolbaşçylygyndaky demonstrasiýalar häkimiýetde düşegi ýumşam lider Serž Sargsýany wezipesinden çekilmäge mejbur etdi.
Paşinýan ahyrynda premýer-ministr saýlandy, ýöne Respublika partiýasy parlamentdäki köplügini saklamagy başardy. Paşinýan oktýabrda parlamenti dargatmak we irki saýlawlaryň geçirilmegini gazanmak üçin öz wezipesinden çekilýändigini yglan etdi.