Orsýet Ukrainanyň harytlaryna gadaganlyk girizilýär
Medwedew 29-njy dekabrda öz twitter sahypasynda rus çäreleriniň “Ukrainanyň çäklendirmelerine garşy görlen jogap çäreleriidigini” aýtdy.
Ukraina bilen Moskwanyň arasyndaky gatnaşyklar Moskwa 2014-nji ýylyň martynda Ukrainanyň Krym ýarymadasyny anneksiýa edip, gündogar Ukrainadaky separatistlere goldaw berip başlaly bäri bulaşdy.
Gündogar Ukrainada 2014-nji ýylyň aprelinden bäri dowam edýän konfliktler netijesinde 10,300 çemesi adam heläk boldy.
ÝB, ABŞ tarapyndan görlen gadaganlyk çäreleriniň gapdaly bilen, Kiýew hem rus kompaniýalaryna we raýatlaryna garşy gadaganlyk çärelerini gördi.
Medwedew 25-nji dekabrda “rus döwletiniň, kompaniýalarynyň we raýatlarynyň bähbitlerini goramak üçin”, Ukraina babatdaky sanksiýalar sanawyny giňeltjekdigini, onuň 200 çemesi şahsy we kärhanany öz içine aljakdygyny aýtdy.