Demirgazyk Koreýanyň lideri Täze ýylda has kän gepleşik geçirmek isleýär
Bu pikir Demirgazyk Koreýanyň lideri Kim Jong Unyň Günorta Koreýanyň prezidenti Moon Jae-ine iberen hatynda aýdylýar.
Şeýle-de Kim öz hatynda Günorta Koreýanyň paýtagty Seula planlaşdyrylan saparyny amala aşyryp bilmeýändigine gynanç bildirdi. Seul bu saparyň şu ýylyň aýagynda bolmagyna umyt baglapdy.
Hatyň mazmuny Moonyň edarasy tarapyndan 30-njy dekabrda aýan edildi.
Kim we Moon şu ýyl, Phenýan ilki birnäçe ýadro we raketa synagyny geçirip, Seul we Günbatar tarapyndan ýazgarylyp, yzyndan diplomatiýany ýokarlandyrandan soň üç gezek duşuşdy.
Şeýle-de Kim ABŞ-nyň prezidenti Donald Tramp bilen hem duşuşdy. Emma bu taryhy duşuşykdan soň ýadro gepleşikleri çalt sowady, sebäbi Demirgazyk ýadro ýaraglaryndan saplanmazyndan öň ABŞ sanksiýalarynyň ýatyrylmagyny talap etdi.