Tramp “hiç haçan Russiýa üçin işlemändigini” aýdýar
Trampyň Ak Tamdaky eden belliklerinden öň, has dogrusy geçen dynç günleri “The Washington Post” neşiri Trampyň Putin bilen geçiren gepleşikleriniň mazmuny boýunça doly, jikme-jik maglumatlary bermändigini aýdyp, makala çap edipdi.
“The New York Times” neşirinde çap bolan beýleki bir hasabatda bellenmegine görä, 2017-nji ýylda Trampyň Derňewler boýunça Federal Býuronyň (FBI) başlygyny wezipesinden çetleşdirmeginden soň, Býoro ABŞ-nyň prezidentininiň Russiýanyň bähbitlerini arap hereket edip-etmändigi dogrusynda derňewe başlapdyr.
Şol bir wagtda, ABŞ-nyň ýörite geňeşçisi Robert Mueller Trampyň Russiýa bilen 2016-njy ýylda prezident saýlanmagyndan öňki gatnaşyklaryny seljerýär.
Tramp Derňewler boýunça Federal Býuronyň we ABŞ-nyň Adalat departamentiniň ozalky resmilerini “ýakasy gaýyşly deýýuslar” diýip atlandyrdy.