Makedoniýanyň öňki premýeri Wengriýa ölüm haýbaty sebäpli gaçdym diýýär
Makedoniýanyň ozalky premýer-minsitri Nikola Gruewski Wengriýa öz ýurdundaky iki ýyllyk türme tussaglygyndan gaçyp gelendigini, sebäbi özüne türmede öldürilmekhaýbat atylandygyny aýdýar
Gruewski ýurtdan gaçyp çykaly bäri ilkinji gezek 2-nji fewralda Makedoniýanyň “Sitel” telewideniýesine beren interwýusynda başda, “aýyplamalary kanuny esassyz we dälilik” hasaplan-da bolsa, türmä gitmekçi bolandygyny, emma “özüniň türmede kimdir birleri tarapyndan ýok edilmeginiň planlaşdyrylýandygy” hakynda maglumat alandygyny aýtdy.
“Şondan soň meni pikirimi üýtgetdim” diýip, Gruewski sözüniň üstüni ýetirdi.
Ol bu maglumaty türmäniň içindäki ýagdaýlardan gowy habarly we planlaşdyrylýan kast ediş synanyşygynyň detallaryny gowy bilýän adamlardan alandygyny aýtdy.
"Men munuň arkasynda kimiň durandygyny açyk aýdyp bilmeýärin, sebäbi men ony edil häzir subut edip biljek däl” diýip, ol aýtdy. “Şondan soň men Makedoniýany terk etmek kararyna geldim” diýip, ol aýtdy.
Gruewski özüne Makedoniýada ölüm haýbatynyň atylandygyny ozalam aýdypdy, emma premýer-ministr Zoran Zaýewiň hökümeti bu aýdylýana ynamsyz garady we ozalky premýeriň syýasy yzarlamanyň pidasy bolandygynyret etdi.
Wengriýanyň awtokrat premýer-ministri Wiktor Orban bilen ýakyn agtnaşykda bolan Gruewski Budapeşte 2018-nji ýylyň noýabrynda, Makedoniýada korrupsiýada aýyplanyp, iki ýyl türme tussaglygyna höküm edileninden soň gaçdy.
Budapeşt Gruewski Makedoniýadaky “syýasy ýanalmalary” sebäpli gaçybatalga berýändigini aýtdy.