Azatlyk Radiosynyň welaýatdaky habarçysynyň aýtmagyna görä, adamlaryň gündelik durmuşda sarp edýän esasy azyk harytlarynyň bahalary sähel ýarymdan az esse ýokary galyp, hususan-da gök-bakja önümleriniň bahalary halka öňküsinden has elýetersiz hala geldi.
TOPH we beýleki proýektleriň gurluşygyna anna güni Owganystanda hem girişilýär. Onuň üçin ähli taýýarlyklaryň görülendigini resmiler aýdýar. Hyrat welaýatynyň häkimi Muhammet Asyp Rahymynyň aýtmagyna görä, ýaragly bir topar TOPH proýektiniň açylyşyna zyýan ýetirmek boýunça alada edipdir.
Türkmen diplomatlary student Mukaddas Nasyrlaýewanyň wizasynyň möhletini uzaltmak we ýaşaýyş rugsatnamasyny tassyklamak meselesi boýunça kömek etmegi sorap, Ukrainanyň Aleksandr Bogomoles adyndaky döwlet medisina uniwersitetine resmi taýdan ýüz tutmadylar diýlip, agzalýan ÝOJ-yň Facebook sahypasyndaky beýanatynda aýdylýar.
Türkmenistanda ilatyň zerur dermanlaryny tapmak we alyp bilmek mümkinçiliklerigitdigiçe çylşyrymlaşýar diýip, Azatlygyň ýerli çeşmeleri habar berýär.
Türkmenistan we Özbegistan özara howa gatnawyny martda dikeltmegi planlaşdyrýarlar diýip, media serişdeleri türkmen resmilerine salgylanyp habar berýärler. “Häzir biz Aşgabat-Daşkent göni reýsi açmagyň ugrunda batly işleşýäris. Irki maglumatlara görä, ol, hepdede iki gezek amala aşyrylar. Onuň başlanmagy mart aýyna planlaşdyryldy” diýip, Sputnik neşri Türkmenistanyň Özbegistandaky ilçisi Şiri Şiriýewe salgylanyp habar berýär. Maglumata laýyklykda, ilkinji tapgyrda diňe “Türkmenhowaýollarynyň” uçarlary hyzmat eder. Читать дальше...
ABŞ-nyň Çernogoriýadaky ilçihanasyna partlaýjy serişdesini oklan hüjümçi öldi. ABŞ-nyň Çernogoriýadaky ilçihanasyna ýarygije partlaýjy serişdäni oklan hüjümçi binanyň daşynda özüni partlatdy diýip, Balkan ýurdunyň hökümeti aýtdy. Birleşen Ştatlaryň resmisi Podgorisadaky ilçihanasynda hiç kimiň ýaralanmandygyny aýtdy. Hüjüm 22-nji fewralda gije 12:30-da bolupdyr. “Näbelli adam partlaýjy serişdeli öz janyna kast etdi” diýlip, hökümetiň Twitter arkaly çap eden beýanatynda aýdylýar. Maglumatda, hüjümçiniň... Читать дальше...
Owganystanyň Gazni we Zabul welaýatlarynda bolan aýra-başga hadysalarda azyndan 10 adam wepat boldy diýip, resmiler 22-nji fewralda habar berdi. “Gynansak-da, sekiz sany ýerli polisiýa wekili öldürildi we biri ýaralandy” diýip, welaýatyň häkiminiň metbugat wekili Arif Noori 22-nji fewralda “Talyban” toparynyň söweşijileriniň Gazni welaýatynyň Deh Yak etrabynda polisiýa bölümine eden hüjüminiň yzýany aýtdy. Howpsuzlyk güýçleri hem agyr ýitgili hüjümiň bolandygyny habar berdi, emma adam pidalarynyň sany barada maglumat bermedi. Читать дальше...
Orsýetli oppozisiýa lideri Alekseý Nawalnyý Moskwada polisiýa tarapynda saklanandygyny habar berdi. Nawalnynyň 22-nji fewralda Twitter ulgamynda ýazmagyna görä, polisiýa ony diş lukmanyň jaýyndan çykan wagtynda saklap, “siz tussag edilýärsiňiz” diýip aýdypdyr. Ol özüniň bir ýerlere äkidilendigini aýtdy, emma anyk maglumat bermedi. Orsýetiň prezidenti Wladimir Putiniň garşydaşy Nawalnyý protestleri guramalaşdyrýar we Orsýetiň häkimiýet başyndaky elitasynyň korrupsiýa baş goşmagy barada hasabatlaryny çap edýär. Читать дальше...
Türkmenistanyň prezidenti Gurbanguly Berdimuhamedow 21-nji fewralda Mary welaýatyna iş saparyna baryp, ol ýerde Ministrler kabinetiniň göçme mejlisini geçirdi, emma ýurtdaky azyk, un we çörek meselelerini agzamady.
Türkmenistanyň prezidenti bahar aýlarynda Özbegistana sapar eder. Media serişdeleriniň maglumatyna görä, Gurbanguly Berdimuhamedowyň Özbegistana garaşylýan sapary barada Türkmenistanyň Daşkentdäki ilçisi Şiri Şiriýew habar beripdir we iki ýurduň liderleriniň duşuşygyna aktiw taýýarlyklaryň görülýändigini mälim edipdir. Gepleşikleriň dowamynda ençeme meseläniň gozgaljakdygy mälim edildi. “Şu ýyl biz hormatly prezidentimiziň Özbegistana saparyna garaşýarys. Saparyň dowamynda ençeme meselä garalar. Читать дальше...
