Новости за 18.05.2018

Aşgabat şäherindäki garrylar öýünde ýaşaýan garrylar aç-hor saklanýarlar. Öz adynyň efirde tutulmazlygyny soran garrylar öýüniň bir ýaşaýjysynyň Azatlyk Radiosyna aýtmagyna görä, Aşgabadyň garrylar öýüne ýolbaşçylyk edýän resmiler bu ýerde saklanýan adamlara ýeterlik garaşyk etmeýärler. Hossarsyz ýa haýsydyr bir sebäp bilen öý-öwzarsyz galýan garrylaryň, ýa bolmasa öýlerinde seretmäge mümkinçiligi bolman bu ýere tabşyrylýan adamlaryň döwlet tarapyndan berilýän kömek pullary, ýagny pensiýalary dolulygyna garrylar öýüniň hasabyna geçirilýär. Читать дальше...

Germaniýanyň kansleri Angela Merkel 18-nji maýda Gara deňziň kenaryndaky kurort şäheri Soçide Orsýetiň prezidenti Wladimir Putin bilen duşuşýar. Gepleşiklerde esasy temalar – Ukraina konflikti, Birleşen Ştatlaryň Eýran bilen baglaşylan ýadro ylalaşygyndan çykmagyna ýewropalylaryň jogaby, şeýle hem Orsýet bilen Germaniýanyň arasynda gurulmagy planlaşdyrylan gaz geçiriji – bolar diýip çaklanýar.

15-nji maýda giçlik Aşgabadyň “10 ýyl abadançylyk” we Ankara köçeleriniň çatrygynda bir awtoulag 10-11 ýaşlaryndaky üç sany gyz çagany kakyp heläkläpdir diýip, “Hronika Türkmenistan” neşiri habar berýär.

Türkmenistanyň Daşoguz welaýatynda dollaryň “gara bazardaky” nyrhy rekord derejä ýetip, 18-nji maýda 1 amerikan dollary 21,5 manada barabar boldy. Munuň bilen bir wagtda, welaýatda azyk we gurluşyk harytlarynyň bahasy hem barha gymmatlaýar.

Owganystanyň serhetýaka welaýatlarynyň, şol sanda demirgazyk böleginiň ýaşaýjylary regiondaky söweşler zerarly öz öýlerini köpçülikleýin terk edýärler.  Gunduz welaýatynyň diňe Kalaýzal etrabynda 86 obany "Talyban" topary basyp alypdyr. Bu barada Azatlyk Radiosyna ýerli geňeşiniň deputaty Seýit Esedulla Sadat 17-nji maýda habar berdi.    Читайте также на русском Söweşijileriň Gunduzda we beýleki serhetýaka regionlarda aprel aýynyň ortalaryndan bäri alyp barýan söweşleri zerarly tutuş obalaryň ýaşaýjylary... Читать дальше...

Ýerli ýaşaýjylar bilen Türkiýedäki zähmet migrantlary, Farap etrabynda häzirki döwürde çagalaryň gyzamyk başda bolmak bilen dürli ýokanç kesellerden ejir çekýändigini öňe sürýärler.

Aşgabatda plastik kart eýeleriniň bankomatlardan çekip bilýän nagt pulunyň gündeki möçberi ýene-de çäklendirildi. Azatlyk Radiosynyň türkmen paýtagtyndaky çeşmeleriniň aýtmagyna görä, edil şu günki gün şäheriň dürli ýerlerinde ýerleşýän bankomatlardan günde çekip bolýan nagt puluň möçberiniň mukdary 500 ýa-da 600 manada barabar. “Şu günki gün bankomatlardan çekip bolýan puluň mukdaryny aňryçäk derejede çäklendirdiler. Her ýerde başgaça, emma 500 manada çenli çekip bolýar. Üstesine her gezek pul çekilende... Читать дальше...

Germaniýanyň kansleri Angela Merkel Soçi şäherinde rus prezidenti Wladimir Putin bilen duşuşýar. Gepleşikleriň dowamynda Ukrainadaky krizisiň, ABŞ-nyň Tähranyň ýadro ylalaşygyndan çykmagyna Ýewropanyň reaksiýasynyň, şeýle-de rus gazyny Germaniýa akdyrjak geçirijiniň maslahat ediljekdigine garaşylýar. Merkel bu ýylyň hasabyna ilkinji gezek Russiýa sapar edýär.

Martda Angliýada nerw gazy bilen zäherlenen ozalky rus içalysy Sergeý Skripal keselhanadan çykaryldy. Bu barada Britaniýanyň saglyk resmileri maglumat berýärler. Skripal we onuň gyzy Ýuliýa 4-nji martda Angliýanyň Salisbury şäherinde bihuş ýagdaýda tapylypdylar. Ýuliýa Skripal 4-nji aprelde keselhanadan çykypdy. Britan resmileri Sergeý we Ýuliýa Skripallaryň ýerleşýän ýeri barada maglumat bermeýärler.

Türkmenistanyň we türkmenistanlylaryň durmuşy bilеn bagly gyzykly pursatlary şekillendirýän fotosergi.

Eýran Britaniýanyň konsrotsiumy bilen nebit ýataklaryny özleşdirmek boýunça şertnama baglaşdy. Bu ABŞ-nyň Tähranyň Ýadro ylalaşygyndan çykýandygyny we oňa garşy täze sanksiýalaryň girizýändigini yglan edeninden soň, Eýranyň günbatar kärhanasy bilen bu görnüşdäki baglaşan ilkinji şertnamasy boldy. Eýranyň Nebit ministrliginiň beren maglumatyna görä, düýbi Londonda ýerleşýän Pergas konsortsiumy bilen ýurduň Keranj sebitinde 10 ýylyň dowamynda nebit çykarmak barada şertnama baglaşylypdyr. Şertnama 16-njy maýda Tähranda... Читать дальше...

Polşanyň prezidenti BMG-niň Howpsuzlyk Geňeşine ýüzlenip, Ukrainanyň gündogarynda Russiýanyň goldaýan separatistleri bilen barýan konfliktiň sebitinde we Russiýa bilen serhet araçäginde BMG-niň barlyşdyryjy güýçlerini ýerleşdirmäge çagyrdy. “Ilki bilen, bu güýçler halkara jemgyýetçiligi tarapyndan ykrar edilen Ukraina bilen Russiýanyň serhet araçäginde ýerleşdirilmelidir. Mundanam başga, eger-de zerurlyk ýüze çyksa, bu güýçler separatisleriň gözegçiligindäki ähli territoriýalarda ornaşdyrylmalydyr” diýip, Andrzej Duda çykyşynda belledi. Читать дальше...

Özbegistanyň prezidenti Şawkat Mirziýoýew ABŞ-nyň döwlet sekretary Maýk Pompeo bilen duşuşyp, özüniň ABŞ edýän resmi saparyny tamamlady. Waşingtonda geçirilen gepleşikleriň dowamynda maslahat edilen meseleler barada häzirlikçe hiç hili maglumat berilmedi. Mundan bir gün öň, Mirziýoýew ABŞ-nyň prezidenti Donald Tramp bilen duşuşypdy. Ak Tamyň ýaýradan beýanatynda iki ýurduň arasynda “strategiki hyzmatdaşlygyň täze eýýamynyň başlandygy” mälim edilipdi. Mirziýoýew Trampa Özbegistanda adam hukuklary... Читать дальше...

Ermenistanyň täze saýlanan premýer-ministri Nikol Paşiniýan demonstrantlara ýüzlenip, köçe protestlerini togtatmaga çagyrdy. “Biz Ermenistanda halkyň ynamyna girip bilmedik hökümetiň bolandygy sebäpli, [aprelde] köçeleri petikledik. Bu günki gün halkyň ynamyny ödeýän hökümet bar” diýip, Paşiniýan Facebook arkaly eden çagyryşynda belledi. Şeýle-de, Paşiniýan arz-şikaýatlary bolan raýatlary öz nägileliklerini ýazmaça görnüşde beýan edip, olary hökümete hödürlemäge çagyrdy. “Hökümet bilen raýatlaryň arasyndaky dawalar... Читать дальше...

Pakistanyň howpsuzlyk gulluklary ýurduň günorta-günbataryndaky Kwetta şäherinde uly terrorçylykly hüjüminiň öňüni alandyklaryny mälim etdiler. Harbylar hüjümde ýarym-harby serhet goşunlarynyň ýerli edarasynyň nyşana alnandygyny aýtdylar. “Janyndan geçen bäş hüjümçili ulag binanyň içine girmekçi boldy. Esgerler terroristlere ot açyp, olary öldürdiler” diýip, beýanatda aýdylýar. Ok atyşykda dört esgeriň ýaralanandygy hem mälim edildi.