“The Jamestown Foundation” aň-düşünje guramasynyň analisti, şeýle-de düýbi Waşingtonda ýerleşýän Merkezi Aziýa – Kawkaz institutynyň gaýybana ylmy barlagçysy Jon Däliniň (John C. K. Daly) 9-njy iýulda birleşigiň “Eurasia Daily Monitor” neşirinde çap eden makalasynda türkmen ykdysadyýetiniň häzirki ýagdaýyna gysgaça syn berilýär.
Aşgabat – Daşoguz ýolunyň ugrunda eýeleri seretmeýän, idegsiz düýeler ýol heläkçiliklerine sebäp bolýarlar. Olar diňe bir garaýoluň ugrunda däl, eýsem, Aşgabat – Daşoguz aralygynda hereket edýän demirýoluň ugrundaky otly gatnawyna-da wagtal-wagtal päsgelçilik döredýär. Bu barada Azatlygyň Daşoguz welaýatyndaky habarçysy maglumat berýär.
Britaniýa günbatar Balkan döwletlerine “eden öňegidişliklerine abanýan howplary jylawlamaklary”, aýratyn-da, guramaçylykly jenaýatçyga we neşe gaçakçylygyna garşy alyp barýan göreşleri üçin olara berýän maliýe kömegini iki essä golaý artdyrjakdygyny aýdýar.
"Türkmenistanyň Hronikasy“ neşiriniň ýurtdaky öz çeşmelerine salgylanyp çap eden maglumatyna görä, Türkmenistanyň döwlet migrasiýa gullugynyň başlygy Mergen Gurdow, edaranyň ýolbaşçylary bilen geçiren ýygnagynda olardan "Türkmenistandan daşary ýurda barýan we yzyna dolanýan raýatlara düzüw çemeleşmegi“ talap edipdir.
Owadan-depedäki ýapyk türmede saklanýan tussaglaryň otuzdan gowragyna, şol sanda wyždan ýesirlerine öz garyndaşlary bilen görüşmäge rugsat berildi diýip, adam hukuklaryny goraýjy "Memorial" guramasy habar berýär. Читайте также на русском Guramanyň 9-njy iýulda çap eden maglumatyna görä, ýakynlary bilen görüşmäge rugsat alan bendileriň arasynda "Nurjylar guramasy" diýilýän toparyň dört agzasy bar. Türk yslamçy akyldaryň eserlerini öwrenýän bu toparyň agzalarynyň käbiri 2017-nji ýylyň maý we iýun... Читать дальше...
Owganystanyň Jalalabat şäherinde howpsuzlyk barlag-gözegçilik nokadynyň golaýynda janyndan geçeniň amala aşyran hüjümiň netijesinde azyndan 10 adam öldi. Nangarhar welaýatynyň häkiminiň edarasynyň ýaýradan beýanatyna görä, hüjümde parahat ilatdan sekiz adam we iki polisiýa işgäri heläk bolupdyr. Partlamanyň netijesinde dörän ýangyn golaýdaky dükanlara we ulaglara zeper ýetirdi. Hüjümde dört adamyň hem ýaralanandygy aýdylýar. Hüjümiň jogapkärçiligini häzirlikçe hiç bir topar öz üstüne almady.
Aşgabadyň bazarlarynda etiň gytalýandygy äşgär duýulýar. Etiň gytalmagy bilen, onuň bahasy hem aşa ýokarlanýar.
Geçen hepde Russiýa sapar eden ABŞ-nyň senatory prezident Wladimir Putine ynanyp bolmaýandygyny aýtdy. Şeýle-de, ol Moskwa bilen gepleşikleri “bir mafiýa bilen alnyp barylýan gepleşiklere” deňedi. Mundanam başga, respublikan partiýasynyň agzasy Jon Kennedy rus hökümetini “ABŞ-nyň saýlawlaryna gatyşmazlyga” çagyrandygyny aýtdy. Kennedy ruslara eger-de noýabrdaky ABŞ-nyň saýlawlaryna gatyşsalar, onda “häzirki sanksiýalardan hem ýowuz gadagançylyklar bilen ýüzbe-ýüz boljakdyklaryny” duýdurandygyny belledi. Читать дальше...
ABŞ-nyň döwlet sekretary Maýk Pompeo Owganystanyň paýtagtyna eden duýdansyz saparynyň çäginde, “Talyban” söweşijilerini owgan hökümeti bilen parahatçylyk gepleşiklerini geçirmäge çagyrdy. Pompeo döwlet sekretary wezipesine bellenenden soň, duşenbe güni ilkinji gezek Owganystana sapar bilen gelipdi. Bu aralykda, Owganystanyň gündogaryndaky Nangarhar welaýatyny “Yslam döwleti” ekstremistik toparynyň jeňçilerinden arassalamak boýunça ýörite operasiýa geçirildi. Häzir Owganystanda, NATO-nyň ýolbaşçylygyndaky missiýasynyň çäklerinde... Читать дальше...
Ermenistanyň paýtagty Ýerewanyň täsirli häkimi wezipesinden çekildi. Bu köpçülikleýin köçe protestleriniň netijesinde oppozisiýa lideri Nikol Paşiniýanyň häkimiýet başyna geçmegi bilen, ýurtda başlanan syýasy özgerişleriň fonunda bolup geçdi. Taron Markariýan öz beýanatynda wezipesinden çekilmeginiň sebäpleri barada hiç zat aýtmady. Iýunyň ortalarynda ýurduň Milli howpsuzlyk gullugy Markariýanyň gözegçiligindäki munisipal fondlaryny derňäninden soň, paýtagtyň häkimi basyş astyna düşüpdi. Ýerewanyň... Читать дальше...
Horwatiýanyň futbol federasiýasy ýurduň ýygyndy toparynyň tälimçisiniň kömekçisini wezipesinden boşatdy. Ognýen Wukoýewiçiň çetleşdirilmegi Dünýä çempionatynda horwatlaryň Russiýany ýeňmeginden soň, oýunçylaryň biriniň wideo ýazgyda “Ukraina şöhrat!” diýip, gygyrmagy bilen baglylykda dörän dawa bilen ilteşiklidir. Ýeňişden soň Wukoýewiç horwatlaryň hüjümçisi Domagož Wida bilen birlikde wideo ýazgy edipdiler. Olaryň ikisi hem ozal Ukrainanyň “Dinamo Kiýew” toparynda oýnapdylar. “Horwatiýanyň... Читать дальше...
Ägirt dinozawrlaryň käbir görnüşleri öňki çak edilen döwürden hem 25 million ýyl ozal ýaşapdyrlar diýip, argentinaly ekspertleriň bir topary öňe sürdi. Ekologiýa we tebigatyň ewolýusiýasy neşirinde çap edilen maglumatda, mundan 200 million ýyl ozal ýaşap geçen dinozawrlaryň galyndylarynyň tapylandygy bellenilýär. Ingenia prima atlandyrylan bu jandarlar şol döwre degişli iň äpet Triassik dinozawryndan hem üç esse uly bolupdyrlar. Ingenia primanyň galyndylary Argentinanyň San Juan welaýatyndan tapylypdyr.
