Birbada üç dilde çap edilen “Türkmen alabaýynyň” tanyşdyryş dabaralarynda çykyş edenler Gurbanguly Berdimuhamedowyň täze eserini ‘mukaddes’, ‘henize çenli ýazylmadyk mertebeli kitap’ hökmünde häsiýetlendirdiler.
Pakistanyň hökümet resmisi Nýu-Deli bilen Yslamabadyň arasynda Kaşmir üstünde dörän dartgynlyklar TOPH gaz geçirijisi taslamasynyň gelejegine täsir ýetirmez diýdi. "Pakistan Türkmenistany Hindistan bilen arada ýokarlanýan dartgynlyklaryň mega taslama täsir ýetirmejegine ynandyrdy” diýip, ol resmi altynjy gün “The Express Tribune” neşirine aýtdy. “Pakistan bilen Hindistanyň arasynda Kaşmir üstünde oňşuksyzlyk bar, emma ol TOPH gaz geçirijisiniň gurluşygyna täsir ýetirmez” diýip, ol sözüniň üstüni ýetirdi. Читать дальше...
Döwlet eýeçiligindäki “Türkmenhowaýollary” kompaniýasy bäşinji gün özüniň “Boeing 777-200LR” uçaryny satyn alandygyny aýtdy diýip, “Roýters” habar gullugy 13-nji sentýabrda Aşgabatdan habar berdi. Täze uçar iýun aýynda yglan edilen planlaryň çäginde satyn alyndy. “Türkmenhowaýollary” täze uçaryň 2021-nji ýylyň ýanwarynda getiriljekdigini aýtdy, söwdanyň başga detallaryny açmady. “Boeing” iýunda söwda borçnamasynyň baha sanawy esasynda $346.9 million hasaplanandygyny aýtdy.
Owgan “Talybany” 15-nji sentýabrda Halkara Gyzyl haç komitetine girizen gadaganlygyny ýatyrdy we bu garamanyň işgärleriniň Owganystanda alyp barýan ynsanperwerlik işleriniň howpsuzlyk kepillendirmesini dikeltdi. "Yslam emiraty Halkara Gyzyl haç komitetiniň Owganystandaky ynsanperwerlik işleriniň ozalky howpsuzlyk kepillendirmesini dikeldýär we mujahiddinleriň ählisine bu guramanyň işlerine ýol bermek, komitetiň işgärleriniň we enjamlarynyň howpsuzlygy meselesine aýawly garamak barada görkezme berildi” diýip, “Talybanyň” beýanatynda aýdylýar. Читать дальше...
ABŞ-nyň prezidenti Donald Tramp indi özüniň Hamza bin Ladeniň, “Al-Kaedanyň” esaslandyryjysy, merhum Osama bin Ladeniň oglunyň owgan-pakistan serhedinde geçirilen harby operasiýa mahalynda öldürilendigini tassyklap biljekdigini aýtdy. "Hamza bin Ladeniň ýitirilmegi “Al-Kaedany” diňe möhüm ýolbaşçylyk başarnyklaryndan we onuň kakasy bilen simwoliki baglanyşykdan aýyrmaýar, eýsem bu toparyň möhüm operasiýa işjeňliklerini hem gowşadýar” diýip, Trampyň 14-nji sentýabrda Ak tam tarapyndan çap edilen beýanatynda aýdylýar. Читать дальше...
Türkmenistanyň raýaty 14-nji sentýabrda Hindistanyň Deli aeroportunda 20 lakhdan, 2 million hindi rupiýasyndan ($28,156.00) gowrak baha durýan altyn gaçakçylygynda güman edilip saklandy diýip, gümrük resmileri altynjy gün aýtdylar. Ýolgaçy üçünji gün, Türkmenistanyň paýtagty Aşgabatdan gelende, ýaşyl kanaldan geçende gümrük işgärleri tarapyndan saklandy. Özi we goşlary barlananda, ýolgaçynyň ýanyndan dürli görnüşdäki altyn şaý-sepleriniň 948 gramy çykdy. Tutulan altynyň agramy çekildi, ýolagçy... Читать дальше...
ABŞ-nyň Eýrandan görýän dron hüjümleri 14-nji sentýabrda Saud Arabystanynyň nebit önümçiligini ýarpy möçberinde hatardan çykardy. ABŞ-nyň döwlet sekretary Maýk Pompeo şol gün Tähran global energiýa üpjünçiliklerine “görülmedik hüjüm etdi” diýdi. Öňdebaryjy respublikan kanun çykaryjysy Lindsey Graham sosial mediada “eger-de olar öz prowokasiýalaryny dowam etdirseler ýa-da uran baýlaşdyrmaklaryny artdyrsalar”, Eýranyň nebiti gaýtadan işleýän kärhanalaryna hüjüm etmek barada oýlanmagyň “wagty” geldi diýip ýazdy. Читать дальше...
23-nji sentýabrda Aşgabatda Dünýä türkmenleriniň ynsanperwer birleşiginiň maslahaty geçirilýär. Dünýä Türkmenleri gepleşiginiň bu sany bu ynsanperwer birleşigiň ýerine ýetirýän funksiýasy, onuň maslahatynda gozgalýan we gozgalmaýan meselelere gönükdirildi.
