“Talyban” Moskwada owgan syýasatçylary we tire-taýpa kethudalary bilen duşuşýar
“Talybanyň” metbugat wekili Zabiullah Mujahid bu habary tassyklap, delegasiýa “Talybanyň” lideriniň orunbasary Molla Abdul Gani Baradaryň ýolbaşçylyk etjekdigini aýtdy.
Mujahid owgan syýasatçylary we tire-taýpa kethudalary bilen duşuşygyň geçiriljekdigini aýtsa-da, owgan hökümetiniň agzalary barada hiç zat aýtmady.
Gepleşiklere ozalky owgan prezidenti Hamid Karzaý hem gatnaşýar.
Bu daşary ýurtly güýçleriň “Talybany” we owgan hökümetini gepleşiklere çekmek tagallalaryň fonunda bolup geçýär.
Soňky aýlaryň dowamynda ABŞ-nyň Owganystan boýunça ýörite wekili Zalmaý Halilzad Katarda “Talyban” bilen ençeme tapgyr gepleşikleri geçiripdi.