Dünýäde koronawirus howpy giňden ýaýraýan mahaly, ýurtdan gowuşýan maglumatlara görä Owganystandan daşgary ähli goňşy döwletler bilen guryýer serhetlerini ýapyk saklaýan Türkmenistan “taryhda iň agyr” azyk gytçylygyny başdan geçirýär.
Dünýäde ýüzlerçe million adamyň dynç güni 21-nji martda koronawirus “gulpunyň astynda” başlandy, dünýäde bu keselden ölenleriň sany 13 müňe golaýlady. Bütindünýä Saglyk Guramasy ýaşlara olaryň hem “ýeňilmezek däldigi” barada duýduryş berdi. Tutuş dünýä boýunça bu keselden hasaba alnanlaryň sany 278 müňden aşan mahaly, ýewropa pandemiýanyň merkezi bolmaga dowam etdi. Jons Hopkins uniwersitetiniň 21-nji martdaky sanlaryna görä, iň köp adam Italiýada öldi, 4825 adam, hem-de bu ýurtda kesel ýokaşanlaryň sany 53 müň adamdan aşdy. Читать дальше...
ABŞ Senatynyň iň ýokary respublikan agzasy ýurt boýunça koronawirus pandemiýasy sebäpli dörän zyýanyň öwezini dolmak üçin göreşilýän mahaly, kongresde taraplaryň $1 trillion dollarlyk ykdysady halas ediş tölegi babatynda ylalaşyga golaýlaýandygyny aýtdy. “Biz bu krizisiň talap edýän tizliginde amerikalylara zerur bolan möhüm ýeňillikleri bermäge taýýardyrys” diýip, köplük lideri Miç MakKonnel (Mitch McConnell) iki günlük gyssagly gepleşiklerden soň, 22-nji martda çykyş etdi. “Soňky iki gün bäri... Читать дальше...
Fransiýa we Eýran arasyndaky tussag alyşygynda boşadylan ozalky iki tussag birnäçe aýlyk tussaglykdan soň öz ýurtlaryna dolandy. Fransiýaly ylmy barlagçy Roland Marçal 21-nji martda Pariže geldi. Ony goldaýan topar “Roland dolandy” diýip, gysga beýanat ýaýratdy. Bu aralykda, ABŞ-da gözlenýän eýranly inžener Jallal Rohollahnejad Tährana geldi. Ony maşgalasy joşgunly garşy aldy. Olaryň ikisi-de bir gün ozal boşadylypdy. Bu çäräni Eýranyň adalat çapary, “Mizan Online”, “özara hyzmatdaşlygyň nusgasy atlandyrdy”. Читать дальше...
Gepleşigimiziň bu sanynda koronawirus keseline garşy Türkmenistanda görülýän çäreler barada türkmen ýazyjysy we synçy Hudaýberdi Hally bilen geçirilen söhbetdeşligi hem-de Bütindünýä Saglyk Guramasynyň koronawirusdan goranmak babatynda berýän maslahatlaryny diňleýjilerimiziň dykgatyna ýetirýäris.
Pakistan koronawirusyň ýaýramagyny çäklendirmek üçin degişli çäreleri gören onlarça ýurda goşulyp, iki hepdelik möhlet bilen ähli halkara uçar gatnawlaryny ýatyrýar. Pakistanyň Raýat awiasiýasy 21-nji martda ýaýradan beýanatynda bu gadaganlygyň şol agşam güýje girip, 4-nji aprele çenli dowam etjekdigini aýtdy. Resmiler bu gadaganlygyň çarter gatnawlaryna-da degişlidigini mälim etdiler. Diplomatlara we ýük uçarlaryna ýurda gonmaga rugsat berilýär.
Moskwanyň koronawirusa garşy krizis merkeziniň ýurt boýunça bu kesel bilen ýene 54 adamyň hasaba alnandygyny mälim etmeginden bir gün soň, 21-nji martda irden Russiýanyň resmi sanlary infeksiýa ýokaşanlaryň umumy sanyny 253 adam diýip görkezdi. Koronawirus bilen näsaglan 79 ýaşly bir aýal aradan çykdy, ýöne rus häkimiýetleri onuň ölümini COVID-19 bilen baglanyşdyrmady, sebäbi, jeset barlagy onuň gan lagtalaşmagyndan ölendigini ýüze çykardy. Ýöne 21-nji martda irden Jons Hopkins uniwersitetiniň... Читать дальше...
