Hindi goşunynyň ýörite güýçleriniň topary bilelikdäki okuw türgenleşikleriniň çäginde awgust aýynda Aşgabat şäherine baryp görer. Şeýle-de soň olaryň 27-nji sentýabrda, Türkmenistanyň garaşsyzlygynyň 30 ýyllyk dabaralaryna bagyşlanyp geçiriljek howa uçuş tomaşalaryna gatnaşjakdygy bellenýär.
1 – 6-njy mart aralygynda Türkmenistanda “Halkara zenanlar güni” mynasybetli aýal-gyzlara prezidentiň adyndan 60 manat (resmi alyş-çalyş boýunça $17, gara bazarda $2) möçberinde pul sowgatlary gowşurylýar. Öý hojalykçy aýallaryň prezidentiň sowgadyndan nesibesi ýok, sebäbi döwlet baştutanynyň sowgady diňe “pensiýa we döwlet kömek puluny alýan aýal-gyzlara, eýeçiliginiň görnüşine garamazdan, ähli kärhanalarda, edaralarda we guramalarda işleýän aýal-gyzlara, ýokary okuw jaýlarynyň gelin-gyzlaryna,... Читать дальше...
Türkmenistanda döwlet dükanlaryndan her aý goýberilýän subsidirlenen, ilat arasynda “paýok” diýlip hem atlandyrylýan azyklaryň möçberiniň, görnüşleriniň azaldylmagy bilen bir wagtda, bu iýmit önümlerini satyn almak boýunça täze çäklendiriji düzgünler hem girizildi. Ýurtda dowam edýän ykdysady kynçylyklaryň we azyk gytçylygynyň arasynda, Lebapda adamlar möhleti geçen unaş önümlerini, ownuk tüwini, mekgejöweni üwäp, çörek bişirip başladylar.
Türkmenistanyň häkimiýetleri informasiýa gözegçiligini, şeýle-de ilatyň maglumat elýeterliligini we habar alyşmak mümkinçiligini çäklendirmek çärelerini güýçlendirdiler. Lebap welaýatynda polisiýa we howpsuzlyk işgärleri ýerli saglyk öýlerinde we hassahanalarda medisina işgärleriniň jübi telefonlaryny barlaýarlar. Maryda howpsuzlyk gulluklary internete girmek üçin VPN ulanan we Azatlyk Radiosynyň websaýtyna girýän ýaşlary yzarlaýarlar.
Şu günler Türkmenistanda koronawirus pandemiýasy sebäpli girizilen käbir karantin çäklendirmeleri ýuwaş-ýuwaşdan, bölekleýin ýatyrylýan mahaly, Marynyň kafeleri we barlary müşderi selçeňliginiň arasynda öz işlerini gaýtadan dikeltmäge synanyşýar. Bu barada Azatlyk Radiosynyň habarçysy habar berýär. “Mary welaýatynda kafeler we barlar açyldy, işläp başlady. Ol kafe-barlarda hem söwda ýok” diýip, bir ýerli ýaşaýjy Azatlygyň habarçysyna gürrüň berdi. Bu iş ýerleri ýaňy bir gapylaryny açyp, öz hyzmatlaryny täzeden dikeltmäge synanyşsa-da... Читать дальше...
Soňky ýyllarda Türkmenistanda azyk önümleri üçin uly nobatlaryň döremegi, bankomatlaryň öňünde adamlaryň jemlenmegi, iş ýerleriniň köpçülikleýin azaldylmagy adaty ýagdaýa öwrüldi. Bilermenleriň aýtmagyna görä, sada türkmen halky garaşsyz Türkmenistanyň taryhynda iň agyr döwüri – ykdysady kynçylyklary başdan geçirýär, görnüşinden bu geljekde-de agyrlaşjaga meňzeýär. Döwlet propaganda serişdelerinde ajaýyp üstünlikler baradaky tassyklamalara garamazdan, hatda türkmen prezidentiniň özi hem «berkarar... Читать дальше...
Türkmenistanyň prezidenti 3-nji martda ýurduň Döwlet howpsuzlyk geňeşiniň agzalaryna «Türkmenistanyň Watan goragçysy» diýen hormatly ady dakmak hakyndaky karara gol çekdi. Hormatly at dakylanlaryň sanawynda ilkinji orunda wise-premýer, Türkmenistanyň Döwlet howpsuzlyk geňeşiniň sekretary, general-leýtenant Çarymyrat Amanowyň ady, ikinji orunda bolsa täzelikde birden üç wezipä bellenen, wise-premýer, Türkmenistanyň Ýokary gözegçilik edarasynyň başlygy, polkownik Serdar Berdimuhamedowyň ady gelýär. Читать дальше...
Türkiýäniň daşary işler ministrliginiň 4-nji martda ýaýradan maglumatyna görä, Türkiýäniň DIM-ri Mewlut Çawuşoglu Türkmenistanyň premýer-ministriniň orunbasary, DIM-ri Reşit Meredowyň, Özbegistanyň DIM-ri Awdulaziz Kamilowyň we Gyrgyzystanyň DIM-ri Ruslan Kazakbaýewiň çakylygy bilen, 5-nji we 10-njy mart aralygynda Türkmenistana, Özbegistana we Gyrgyzystana sapar edýär. Türkiýäniň daşary işler ministrliginiň maglumatlaryna laýyklykda, Mewlut Çawuşoglu anna güni başlanýan saparlarynyň dowamynda... Читать дальше...
