Waşington Owganystandan gaçmak isleýän müňlerçe adamy ewakuasiýa etmek uçin goşmaça wagt gerek boljakdygyny aýdansoň "Talyban" ABŞ-nyň we halkara güýçleriniň 31-nji awgusta çenli yza çekilmek üçin berlen möhleti uzaltmajakdygyny aýtdy.
“Käbir maglumatlara görä, prezident düýn (22-nji awgustda) gije sagat 10-da Mary şäherine gelipdir. Ähli ýollar ýapyldy” diýip, Azatlygyň çeşmesi duşenbe güni habar berdi.
Geçen aý Azatlyk Radiosy Aşgabadyň Bekrewe şaýolunda bolan ýol heläkçiliginde onlarça harby gullukçynyň wepat bolandygyny habar berdi. Azatlygyň çeşmesi şol aradan çykan esgerleriň käbirleriniň hossarlaryna şu günler kompensasiýa tölegleriniň gowşurylýandygyny habar berýär.
Türkmenistanda koronawirusyň esasy ojaklarynyň birine öwrülen – Lebap welaýatynda ölüm howply ýokanjyň delta ştammy gürelýär. Munuň bilen baglylykda, COVID-19 bilen keselleýänleriň, ondan ölýänleriň sany hem artýar. Welaýatyň köp sebitlerinde, şol sanda merkezi Türkmenabat şäherinde hem keselhanalar, şol sanda soňky döwürden bäri Tiz kömek gulluklary hem saglyk ýagdaýlary barha ýaramazlaşýan hassalaryň uly bölegine hemaýat berip bilmeýärler.
Şu günler Mary welaýatynda “Altyn Asyr” öýjükli aragatnaşyk kärhanasynyň mobil aragatnaşyk hyzmatlarynyň hili mese-mälim pese gaçdy. Şeýle-de, kärhananyň mobil hasaby doldurmak hyzmaty hem çäklendirilip, müşderilerden tölegler diňe ofislerde kabul edilip başlandy.
Türkmenistanda täze okuw ýylynyň başlanmagyna sanlyja gün galanda, Aşgabadyň ýokary okuw jaýlarynyň (ÝOJ) talyplaryndan sport egin-eşikleri üçin müňlerçe manat möçberinde mejbury pul ýygnalýar. Bu barada birnäçe ÝOJ-yň talyplary we mugallymlary anonimlik şertinde Azatlyk Radiosynyň habarçysyna gürrüň berdi. Habarçymyzyň maglumatyna görä, geçen hepdeden bäri ÝOJ-laryň talyplarynyň her birinden 3400 manat pul tabşyrmak talap edilýär. Bu dollaryň resmi kursunda tas $1000, gara bazaryň nyrhynda $100 dollara barabardyr. Читать дальше...
"Talyban" Owganystandan gaçmak isleýän müňlerçe adamy ewakuasiýa etmek ugrunda iş alyp barýan ABŞ-nyň we halkara güýçleriniň 31-nji awgusta çenli yza çekilmek üçin berlen möhleti uzaltmajakdygyny aýtdy. "Bu gyzyl çyzyk. Prezident Baýden 31-nji awgustda ähli harby güýçlerini yza çekjekdigini aýdypdy. Şeýlelik bilen, uzaldylsa, bu olaryň okkupasiýany uzaltmagyny aňladýar, muňa zerurlyk ýok " - diýip, 23-nji awgustda görkezilen interwýuda "Talybanyň" wekili Suhaýl Şahin Sky News agentligine aýtdy. Читать дальше...
Dünýäde 5 milliard töweregi COVID-19 waksinasy edildi. Dokuz aýyň içinde geçirilen waksinasiýa taryhdaky iň uly sanjym kampaniýasy boldy. "Biziň dünýä maglumatlarymyz" atly gurama tarapyndan düzülen sanlar 23-nji awgustda 4,93 milliard dozanyň edilendigini we ýakyn günlerde sanyň 5 milliard derejeden aşjakdygyny görkezdi. Dünýä ilatynyň tas üçden bir bölegine COVID-19 sanjymynyň azyndan bir dozasy berildi we dörtden birine doly waksina edildi. Ulanylýan sanjymlaryň köpüsi iki dozany talap... Читать дальше...
Sloweniýanyň premýer-ministri Janez Jansa ÝB-niň owgan migrantlarynyň köpelmegine ýol bermejekdigini aýtdy, sebäbi "Talybanyň" Owganystany basyp almagy zerarly Ýewropada 2015-nji ýyldaky migrasiýa krizisiniň gaýtalanmagyndan howatyrlanýandygyny mälim etdi. Alty ýyl mundan ozal Ýakyn Gündogardaky uruşdan we garyplykdan gaçan 1 milliondan gowrak adam Ýewropa Bileleşiginiň agza ýurtlaryna gelipdi. "ÝB Owganystan üçin haýsydyr bir “gumanitar” ýa-da "migrasiýa" koridoryny açmaz. Biz 2015-nji ýylyň strategiki... Читать дальше...
"Talyban" tarapyndan dolandyrylýan Owganystandan gaçmak isleýän on müňlerçe adamyň başagaýlygy 23-nji awgustda-da Kabul howa menzilinde dowam etdi. Bu aralykda Waşington ewakuasiýa işlerinde täjirçilik awiakompaniýalarynyň kömeginden peýdalandy, prezident Jo Baýden ýurtdan çykmak işiniň aýyň aýagyna bellenen möhletden has uzaga çekmeginiň mümkindigini aýtdy. Germaniýanyň ýaragly güýçleriniň beren beýanatynda 23-nji awgustda irden Kabulyň howa menziliniň demirgazyk derwezesinde dörän ok atyşykda bir owgan goragçysy wepat bolupdyr... Читать дальше...
"Talyban" Kabuly ele geçirende, ýurtdan gaçyp çykan Owganystanyň prezidenti Aşraf Gani gazaplylygy döretdi hem örän garşylykly pikirleri emele getiren şahsyýete öwrüldi. Onuň ýolbaşçylyk usuly hökümetiň esasy täsirli liderlerini işden daşlaşdyrdy hem-de owgan howpsuzlyk güýçlerini ýeňlişe sezewar etdi. Müňlerçe talyp söweşijisi Kabuly gabady, tutuş paýtagty gorky hem howsala gurşap aldy. Şäherde ganly çaknyşykdan gorkan millet barlyşyksyz yslamçy toparyň dolandyryşynyň hem repressiw çäreleriniň howpunyň astynda galdy. Читать дальше...
