Новости за 18.04.2022

Türkmenistanda COVID-19-yň ýokdugyny öňe sürýän türkmen häkimiýetleri ýurduň käbir welaýatlarynda pandemiýa aladalary sebäpli girizilen çäklendirmeleriň gerimini gaýtadan güýçlendirýär. Maryda bazarlaryň ençemesi ýapylyp, olaryň girelgelerine beton böwetler goýuldy. Saglyk işgärleriniň birnäçesi munuň ilat arasynda COVID-19-yň "omikron" görnüşi bilen keselleýänleriň köpelmegi bilen baglanyşyklydygyny aýdýar. Bu barada Azatlyk Radiosynyň habarçysy Marydan habar berdi.

Azatlyk Radiosynyň habarçysy Balkan-Aşgabat aralygynda gatnaýan taksi sürüjileriniň sebitara hereket çäklendirmeleri bilen bagly ýüzbe-ýüz bolýan päsgelçilikleri barada habar berýär. Sebitara taksi sürüjileri hereket çäklendirmelerinden häkimiýetleriň "bikanun girdeji çeşmesi" hökmünde peýdalanýandyklaryny aýdýarlar.

Daşary döwletlerden ýurda dolanan Türkmenistanyň futzal boýunça milli ýygyndysy 21 gün karantine alyndy. Bu aralykda, sebitde COVID-19 aladalary sebäpli girizilen çäklendirmeleriň çäginde ýapylan käbir bazarlar gaýtadan açyldy.

Türkmenistanyň paýtagtynda Aşgabatda zähmet çekýän welaýat ýaşaýjylaryna garşy polisiýa çäreleri güýçlendirildi. Azatlygyň habarçylary we çeşmeleri Türkmenistanyň paýtagtynda we onuň töwereginde welaýatlylary tutmak üçin geçirilýän köpçülikleýin reýdler barada habar berýärler.

OCCRP, guramaçylykly jenaýat we korrupsiýa barada maglumat berýän taslama özüniň global agza merkezleri ulgamyna garaşsyz, maddy bähbide kowalaşmýan habar serişdeleriniň ýene bäşisini goşandygynyhabar berýär. Olaryň arasynda Gazagystanyň “Wlast”, “Belarus derňew merkezi (BIC) we Horwatiýanyň “Oštro”, Bolgariýanyň Derňew habarlary we maglumat býurosy (BIRD) neşirleri bilen birlikde, Türkmenistan barada maglumat berýän “Turkmen.news” neşiri hem bar. Şeýlelikde, bu taslamanyň dünýäniň 42 ýurdundaky merkezleriniň sany 55-e ýetdi. Читать дальше...

Türk goşunlary Yragyň demirgazygyndaky kürt söweşijilerine garşy täze gury ýer we howa hüjümlerine başlady diýip, Türkiýäniň goranmak ministri 18-nji aprel güni, irden aýtdy. Türkiýäniň harby uçarlary we artilleriýasy, dikuçarlar we pilotsyz uçarlar bilen goldanýan gury ýer goşunlary goňşy sebite geçmezinden öň, Kürdüstan Işçiler partiýasyna ýa-da PKK-a degişli bolan nyşanalara zarba urdy diýip, goranmak ministri Hulusi Akaryň ministrligiň websaýtynda ýerleşdirilen wideoýazgysynda aýdylýar. Akar uçarlaryň PKK-a degişli pena ýerlerine... Читать дальше...

Stambulyň howa menzili watanyna gitmek üçin mümkinçilik gözleýän ýüzlerçe türkmenistanlynyň mekanyna öwrüldi. Bu ýerde gije-gündiz duş gelýän türkmen raýatlary, Türkmenistana bilet satýan awiakompaniýalaryň müşderileri, ýagny olaryň köpüsinde türk we türkmen howa ýollary kompaniýalarynyň biletleri bar. Adamlar köplenç "Türkmen howa ýollarynyň" hemişe diýen ýaly ýapyk durýan edarasynyň öňünde ýerleşýär.

Türkmenistanyň Adam hukuklary babatda halkara borçnamalarynyň we halkara ynsanperwer hukugynyň ýerine ýetirilmegini üpjün etmek boýunça pudagara toparynyň nobatdaky mejlisi geçirildi diýip, türkmen DIM-i 16-njy aprelde habar berdi. Mejlisde pudagara toparyň 2021-nji ýylda ýerine ýetiren işleri barada hasabat diňlenildi, toparyň 2022-nji ýyl üçin Iş meýilnamasyna seredildi. Çykyşlarda toparyň ilatyň hukuk biliminiň derejesiniň ýokarlandyrylmagyna, hususan-da, köpçülikleýin habar beriş serişdelerinde... Читать дальше...