Новости за 25.11.2022

Marynyň ýaşaýjysy Süleýman Baýramgeldiýew we onuň maşgala agzalary ýene-de ýerli kanun goraýjy edaralaryň işgärleriniň basyşyna sezewar boldy. Süleýman birnäçe sagatlap tussag edildi, maşgalasyna haýbat atyldy. Polisiýa para bermekden ýüz öwüren bu adamyň yzygiderli yzarlanmagy daşary ýurtlardaky türkmen jemgyýetinde gahar-gazap döretdi. Azatlyk Radiosynyň Türkiýedäki habarçysy Ahmet Rahmanow bu ýagdaýy öwrendi.

Dünýä Türkmenleriniň nobatdaky sany Türkmenistanda täze kabul edilen ýaşlar syýasatyna nazar aýlaýar.

Aşgabat şäherindäki we onuň etegindäki zir-zibil oklanýan çeleklerde täze doglan iki bäbegiň jesedi tapyldy diýip, "Türkmenistanyň Hronikasy" neşiri 24-nji noýabrda habar berdi.

Türkmenistanda dowam edýän ykdysady kynçylyklaryň arasynda, Lebap welaýatynda öýlerindäki goş-golamlaryny satuwa çykarýan raýatlar köpelýär.

Şu günler Balkan welaýatynyň Türkmenbaşy şäheriniň döwlet dükanlarynda ilatyň iýul aýy üçin azyk paýlary berlip başlandy. Bu önümleri satyn almak üçin, ýerli ýaşaýjylardan tok we gaz tölegleriniň geçirilendigi barada kepilnama soralýar.

Hepdäniň esasy temalaryna gysgaça synymyzy; Türkmenistanda kitap okamak medeniýetiniň peselmegine getiren ýagdaýlar we gara sanawdaky ýazyjylaryň öňünde açylýan türk-terjime çykalgasy baradaky gepleşigimizi diňläp, öz pikir-garaýyşlaryňyzy aýtmaga çagyrýarys. Eger-de gepleşige ‘laýk’ goýsaňyz we ony paýlaşsaňyz, Türkmenistanda ýapyk saklanylýan meseleleriň has köp adama ýetmegine we çözülmegine kömek ederdiňiz.

Ýewropa Bileleşiginiň migrasiýa meselesine jogapkär ministrleri, sebite gelýän adamlaryň sanynyň köpelmeginiň bu ynjyk meseläni ýene-de gün tertibine getirmegi netijesinde, 25-nji noýabrda Brýusselde duşuşyp, migrant meselesini maslahatlaşýar. Halkara migrasiýa guramasynyň (HMG) maglumatyna görä, 2022-nji ýylda Italiýa Ortaýer deňzinden geçip, häzire çenli 94,000-den gowrak migrant geldi. 2021-nji ýylda bu görkeziji 67 müň adam bolupdy. HMG-niň görkezijilerine görä, 2022-nji ýylda Horwatiýa 24,000 töweregi migrant geldi. Читать дальше...

Ondan gowrak owgan zenany 24-nji noýabrda Kabulda gysga wagtlyk protest çäresini geçirip, BMG-niň aýal-gyzlara garşy zorlugy ýok etmek boýunça halkara gününiň öňüsyrasynda öz hukuklarynyň ykrar edilmegine çagyrdy. Owgan aýal-gyzlaryň jemgyýetçilik durmuşy "Talyban" geçen ýylyň awgust aýynda häkimiýet başyna gaýdyp geleli bäri berk gyşyşa sezewar edildi. Bu ýagdaý aýallaryň kiçijik toparlarynyň adatça tiz, käte zorluk bilen basylyp ýatyrylýan protestleriniň döremegine getirdi. Şu aýyň başynda "Talyban" aýal-gyzlaryň seýilgählere... Читать дальше...

Eýran 24-nji noýabrda ýurduň milli futbol toparynyň öňki agzasyny, tanymal futbolçyny hökümeti tankyt edendigi üçin tussag etdi. Häkimiýetleriň bütin ýurdy gurşap alan halk protestlerini basyp ýatyrmak üçin görýän gazaply çäreleri Eýranyň dünýä çempionatyndaky bäsleşigine kölege saldy. Ýarym resmi “Fars” we “Tasnim” habar gulluklary dünýä çempionatyna gitmek üçin saýlanyp alynmadyk Woria Gafuriniň “milli futbol toparyny kemsidip, hökümete garşy eden wagyzlary” üçin tussag edilendigini habar berdi.

“Biznes Türkmenistan” neşiri Türkmenistanyň “Awaza” milli syýahatçylyk zolagy üçin ýörite wiza tertibini girizmekçi bolýandygyny habar berýär, ýöne bu täzeligiň haçan we nähili ýagdaýda durmuşa geçiriljekdigi belli däl. Bu başlangyç daşary işler ministri Raşid Meredow tarapyndan, Halk maslahatynyň başlygy Gurbanguly Berdimuhamedowyň 24-nji noýabrda Balkan welaýatynda geçiren iş maslahatynda öňe sürüldi. TDH-nyň maglumatyna görä, Gurbanguly Berdimuhamedow Balkan welaýatynda Milli Geňeşiň, hökümet başlygynyň orunbasarlarynyň... Читать дальше...