Maryda Polisiýanyň ýol gözegçiligi gullugy (PÝGG) awtoulaglaryň hereketine bolan gözegçiligi güýçlendirdi. Ulag eýeleri PÝGG-niň dürli bahanalar esasynda, köçe-ýol hereketiniň düzgünlerini bozmadyk sürüjilere hem jerime ýazýandygyny aýdýarlar.
Türkmenistanda musulmanlaryň mukaddes Remezan aýynyň başlanmagy bilen, azyk harytlarynyň bahasy 50%-e çenli gymmatlady. Bu waka, prezidentiň ýurduň bazarlarynda bahalary hemişe gözegçilikde saklamagyň zerurdygyny nygtamagyndan birnäçe hepde soňa gabat geldi.
Geçen hepdede Azatlyk Radiosy Balkan welaýatynyň Türkmenbaşy şäherinde bu ýyl çagalar bilen bir hatarda uly ýaşly adamlaryň hem, oraza aýynyň öňüsyrasynda, ýaremezan aýdyp, sadaka soraýandyklaryny habar berenden soňra, polisiýa işgärleri şäherde çagalaryň ýaremezan aýdymyny aýtmagyna böwet bolýar.
Owganlar Türkmenistanyň Owganystan bilen sethetleşýän sebitlerinde mal bakmak, gözegçiliksiz aw awlamak we ýabany agaçlaryň miwelerini toplamak ýaly hojalyk işleri bilen meşgullanýarlar diýip, “Türkmenistanyň hronikasy” neşiri “Meteožurnal” neşiriniň emele hemra suratlaryna salgylanyp habar berdi.
