Hong Konguň lideri protestçileri asudalyga çagyrdy
13-nji awgustda eden çykyşynda Lam asudalygy saklamaga çagyrdy. Şeýle-de, ol gazaplylygyň “yzyna gaýtaryp bolmajak ýagdaýlara” eltjekdigini duýdurdy.
Emma, ol demokratik protestçilere eglişik etmekden ýüz öwürdi.
Geçen dynç günleriniň dowamynda protestçileriň polisiýa bilen çaknyşmagy netijesinde onlarça adamyň ýaralanandygy aýdylýar.
Protestler aýyplanýanlaryň Hytaýda sud edilmegine mümkinçilik berjek kanun sebäpli başlady. Kanunyň tankytçylary bu ýagdaýda öz hak-hukuklarynyň doly berjaý ediljekdigine şübhe bildirdiler.
Mundan soň, gürrüňi gidýän kanun ýatyryldy. Emma, protestçiler Lamyň wezipeden çekilmegini, gönümel saýlawlary we polisiýanyň baş goşdy diýilýän gazaplylygynyň derňelmegini talap edýärler.