Fizika boýunça Nobel baýragy bir kanadaly-amerikan we iki şweýsar alymyna berildi
2019-njy ýylyň Fizika boýunça Nobel baýragy “kosmosda Ýer şarynyň ýeriniň we älemiň ewolýusiýasyna düşünişimize goşan goşandy” üçin bir kanadaly-amerikan we iki şweýsar alymyna berildi.
8-nji oktýabrda Şwesiýanyň Stokgolmdaky akademiýasy Janmes Peeblesiň “fiziki kosmologiýa aňlatmasynyň tutuş derňew ugruny baýlaşdyrandygyny we soňky 50 ýylyň dowamynda kosmologiýanyň öwrülişigi üçin esas goýandygyny” aýtdy.
Şweýsar alymlary Michel Mayor we Didier Queloz “biziň gün sistemamyzyň daşynda ilkinji planetanyň, ýagny biziň galaktikamyzda gün görnüşli ýyldyzyň daşynda aýlanýan eksoplanetanyň üstüni açmakda” sylaglandy diýlip, akademiýanyň beýanatynda aýdylýar.
Şeýle-de, beýanatda Peeblese $918,000 möçberindäki nagt pul sylagynyň ýarysynyň gowşuryljakdygy we onuň galan ýarysyny şweýsar alymlary Mayor we Queloziň özarasynda paýlaşjakdygy hem bellenilýär.
2019-njy ýylyň Nobel baýraklarynyň eýelerini yglan etmek çäresine 7-nji oktýabrda girişildi. Şol güni 2019-njy ýylyň Fiziologiýa we medisina boýunça Nobel baýragy “öýjükleriň nädip kislorodyň elýeterliligini duýýandygynyň we oňa uýgunlaşýandygynyň” üstüni açandyklary üçin iki amerikan we bir britan alymyna berildi.