Rumyniýadaky prezidentlik saýlawlarynyň ikinji tapgyrynda Iohannis we Dansila bäsleşerler
Rumyniýanda geçirilen prezidentlik saýlawlarynyň deslapky resmi netijelerine görä, Ýewropa Bileleşigine tarapdar, iş başyndaky prezident Klaus Iohannis saýlawlaryň birinji tapgyrynda birinjiligi eýeläpdir.
Merkezi Saýlaw Býurosynyň 11-nji noýabrda sesleriň 96%-niň sanalmagy netijesinde beren maglumatyna görä, häkimiýet başyndaky merkezi-sagçy Milli Liberal Partiýany goldaýan dalaşgäri Iohannis sesleriň 36.91%-ni alypdyr.
Iohannis 24-nji noýabrda geçiriljek prezidentlik saýlawlarynyň ikinji tapgyrynda golaýda wezipesinden çetleşdirilen premýer-ministr, Sosial demokratik partiýanyň lideri Wiorika Dansila bilen bäsleşer. Ol sesleriň 23.45%-ni alypdyr.
Prezidentlik saýlawlaryna hasaba alnan 18 million saýlawçynyň diňe 48%-i gatnaşyp, ses berdi.