COVID-19: Hytaý port şäheriň 9 million ilatyny testden geçirýär
Hytaýda resmiler ýurduň gündogaryndaky Kingdao port şäheriniň ähli 9 million ilatyny koronawirus testinden geçirmegi planlaşdyrýarlar. Bu iki aý arakesmeden soňra, ýurtda COVID-19 bilen bagly ilkinji ýagdaýyň ýüze çykarylmagynyň arasynda bolup geçýär.
Hytaýda wirus ilki Wuhan şäherinde ýüze çykarylanyndan, pandemiýanyň başky döwürlerinden bäri, wirusa ýolugýanlaryň gündelik sany göz-görtele azalypdy.
Hytaý awgustdan bäri ýurduň öz içinde wirus bilen kesellänleriň täze ýagdaýlary barada maglumat bermändi. Emma halkara ekspertleri Hytaýyň tassyklanan we alamatlary bolmadyk ýagdaýlary biri-birinden aýry hasaba almak usulyýetine tankydy garaýarlar.
Hytaý 12-nji oktýabrda Kingdao şäherinde wirusyň 12 ýagdaýynyň ýüze çykarylandygyny mälim etdi.