Bagtyýarlyk: Ýazga durmak we ýazgydan çykmak üçin töleg nagt talap edilýär, 'kwitansiýa berilmeýär'
Şu günler Aşgabat şäheriniň Bagtyýarlyk etrabynyň ýaşaýjylary ‘kagyz işleri’ bilen bagly bir päsgelçilik bilen ýüzbe-ýüz galýar. Etrap polisiýasynyň Ilaty ýazga alyş bölümi ýaşaýjylary hasapdan çykarmak üçin ýa-da hasaba goýmak üçin zerur bolan tölegleriň nagt görnüşinde tölenilmegini talap edýär. Azatlyk Radiosynyň habarçysyna görä, polisiýa bölümi tölegiň geçirilendigi barada raýatlara hiç hili kwitansiýa bermeýär.