Belarus KGB-si oppozisiýa partiýasynyň liderini, syýasy bilermeni saklady
Belarusyň Döwlet Howpsuzlyk boýunça Komiteti (KGB) oppozisiýadaky Belarusyň Meşhur Fronty partiýasynyň başlygy Ryhor Kastusýounyň we belli syýasy analitik Alýaksandr Fýadutanyň saklanandygyny tassyklady.
Bu dawaly prezidentlik saýlawlarynda diýdimzor Aleksandr Lukaşenkanyň ýeňiji diýlip yglan edilmeginden soňra, dissidentlere garşy alnyp barylýan basyş çäreleriniň soňkusy boldy.
KGB 13-nji aprelde beýanat ýaýardyp, iki adamyň aýdyňlaşdyrylmadyk aýyplamalar boýunça saklanandygyny aýtdy, şeýle-de goşmaça maglumatlaryň soň beýan ediljekdigini belledi.