200-den gowrak gazak göçegçisi ýörite gurnalan otly gatnawy bilen Türkmenistandan Gazagystana geldi. Otly olary Mangistau sebitiniň Žanaozen şäherine getirdi. Gaýdyp gelenleriň köpüsi ata watanlaryna göçmek üçin ençeme aý garaşmaly boldy: olar jaýlaryny satyp, goşlarynyň üstünde oturyp garaşdylar, ýöne koronawirus pandemiýasy sebäpli ýapylan serhetler zerarly Gazagystana gelip bilmediler.
