1-nji awgustda öýlän sagat 4-de onlarça türkmen migranty Türkmenistanyň Stambuldaky konsulhanasynyň öňünde prezident Gurbanguly Berdimuhamedowyň awtoritar syýasatyna garşy protest aksiýasyny geçirmäge synanyşdy. Aktiwistlere görä, protestçiler "türkmen režiminiň hakyna tutma tarapdarlarynyň" hüjümine duçar boldy. Bir aktiwistiň gapyrgasyna şikes ýetdi, ýene bir aktiwist elinden we garnyndan pyçak bilen ýaralandy. Şikes alan üçünji aktiwistiň ýagdaýy derňelýär.
