ABŞ Kongresi harby býujeti tassyklady: Ukrainany goldamak üçin $300 million berler
Kabul edilen resminama ABŞ-nyň prezidenti Jo Baýdeniň garamagyna iberildi.
ABŞ häkimiýetleri 2022-nji ýyldaky harby harajatlar üçin 770 milliard dollarlyk serişdäniň zerur boljakdygyny aýdýarlar.
Bu harby çykdajylara geçen ýyl bilen deňeşdirilende 5% köp serişde goýberiljekdigini aňladýar.
Ýewropa Goranmak inisiatiwasyny goldamak üçin býujetden 4 milliard dollar, Baltika döwletlerini goramak üçin 150 million dollar serişde goýbermek göz öňünde tutulýar.
Geljek ýyl üçin tassyklanan harby býujet taslamasynda rus-nemes gaz geçirijisi, “Demirgazyk akym-2” babatda sanksiýa girizmek göz öňünde tutulmaýar.