Pakistan Owganystana berilmeli kömegi maslahatlaşmak üçin halkara ýygnanyşyk geçirýär
57 agzaly YHG-nyň birnäçe daşary işler ministri, “Talyban” tarapyndan dolandyrylýan hökümetiň çylşyrymly syýasy reallyklaryndan baş çykaryp, Owganystana kömek etmegiň ýollaryny öwrenmek üçin duşuşyga gatnaşýar diýip, Pakistanyň daşary işler ministri Şah Mahmud Kureşiniň beýanatynda aýdylýar.
Kureşi esasy güýçleriň, şol sanda ABŞ-nyň, Russiýanyň, Hytaýyň we Ýewropa Bileleşiginiň Owganystandaky ýörite wekillerini Pakistanda geçirilýän bir günlük sammite iberjekdigini aýtdy.
Talyban ýolbaşçylygyndaky hökümete duşuşykda daşary işler ministri Amir Han Muttaqi wekilçilik edýär. Beriljek kömek wadasy 19-njy dekabrda, agşamlyk yglan edilmeli. BMG, gyssagly kömek edilmese, millionlarça owganlynyň gyşda açlyga duçar bolup biljekdigini birnäçe gezek duýdurdy.