Ukraina rus hüjümleri netijesinde ýurtda häzire çenli 136 çaganyň öldürilendigini aýdýar
Ukrain häkimiýetleri Russiýa goşun çekip geleli bäri ýurtda geçen 31 günüň içinde 136 çaganyň öldürilendigini habar berdiler.
Kiýew sebitinde jemi 64 çaga öldürildi diýip, Ukrainanyň Baş prokuraturasynyň 26-njy martda telegram arkaly ýaýradan habarynda aýdylýar. Şeýle-de habarda Donetsk sebitinde 50 çaganyň öldürilendigi aýdylýar.
Mundan başga, rus güýçleriniň Ukrainada alyp barýan söweşleri wagtynda 199 çaganyň ýaralanandygy aýdylýar.
Bu maglumatlar uruş barýan wagtynda garaşsyz ýagdaýda tassyklanyp bilinmedi.