Ýerewan bazarynda ölenleriň sany 16-a ýetdi, 18 adam tapylmaýar

Gyssagly kömek işgärleri Ýerewanda feýerwerk partlamasy netijesinde ýüze çykan ýangynda ölenleriň sanynyň 16 adama ýetendigini, gözlegçileriň pidalary we diri galanlary gözlemegini dowam etdirýändigini aýtdylar.


Adatdan daşary ýagdaýlar ministri Armen Pambuhçian 16-njy awgustda öz Facebook hasabynda 18 adamyň, şol sanda Eýranyň we Russiýanyň raýatlarynyň henizem tapylmaýandygyny aýtdy.


14-nji awgustda Ýerewanyň merkezinden takmynan iki kilometr günortada ýerleşýän Surmalu bazarynda bolan partlama we ýangyn paýtagtyň üstüni tüsse dumanyna büredi.


Partlama feýerwerk we beýleki pirotexniki enjamlaryň saklanýan ýerinde boldy.


Resmiler bu partlamanyň bir hadysa bolandygyny, terrorçylyk netijesinde bolmandygyny yşarat etdiler.