Gyrgyzystanly ýaşlaryň 89% -i daşary ýurtda işlemek ýa-da okamak isleýär
14 ýaşdan 28 ýaş aralygyndaky raýatlaryň takmynan 89% -i Gyrgyzystanyň daşynda okamak ýa-da işlemek isleýär diýip, BMG-niň Ösüş maksatnamasynyň Gyrgyzystandaky edarasynyň geçiren pikir soramalarynyň netijelerinde aýdylýar.
Medeniýet, maglumat, sport we ýaşlar syýasaty ministrliginiň haýyşy boýunça, BMG-niň beýleki agentlikleri bilen bilelikde geçirilen pikir soramalaryna, resmi habarda aýdylmagyna görä, ýurduň sebitlerinden 1640 oglan-gyz gatnaşdy.
Alnan maglumatlara görä, soraga gatnaşanlaryň 13,3% -i migrasiýa gideninden soň Gyrgyzystana dolanmak islemeýändigini aýtdy. Şol bir wagtda, ýaşlaryň 30% -i özleriniň ýa-da maşgala agzalarynyň eýýäm zähmet migrasiýasynda bolup görendiklerini aýtdy.
Milli statistika komitetiniň iň soňky maglumatlaryna görä, Gyrgyzystanda 14 ýaşdan 28 ýaş aralygynda 1 million 593 müň raýat bar. Bu ýurduň ilatynyň 24% -i bolýar, olaryň 51% -i erkeklerden we 49% -i aýallardan ybarat.