Türkmenistan geçen ýyl Hytaýa 10 mld 25 mln dollarlyk gaz satdy
Türkmenistan Hytaýa 2022-nji ýylyň ýanwar-dekabr aýlarynda 10 milliard 250 million dollarlyk tebigy gaz eksport etdi, bu geçen ýylyň degişli döwri bilen deňeşdirilende 51% köp gazyň iberilendigini görkezýär diýip, Russiýanyň TASS habar gullugy Hytaýyň baş gümrük gullugyna salgylanyp habar berdi.
Şeýlelikde, Türkmenistan Hytaýa geçiriji gazyny eksport edýänleriň arasynda öňdebaryjy bolmagynda galýar. Ikinji orunda Russiýa (1,65 milliard dollar) durýar, bu ýurt Hytaýa geçen ýylkysyndan 2,9 esse kän gaz satdy diýip, habarda bellenýär.
Russiýadan soň Mýanma (1,3% ýokarlandy, 1,43 milliard dollar), Gazagystan (4% aşaklap, 1,08 milliard dollar) we Özbegistan (takmynan 33,9% ýokarlandy, 1,07 milliard dollar) durýar.
Şu ýylyň ýanwar aýynyň başynda Türkmenistanyň prezidenti Serdar Berdimuhamedowyň Pekine döwlet saparyny edip, hytaýly kärdeşi Si Szinpin bilen duşuşdy we gaz pudagyndaky türkmen-hytaý hyzmatdaşlygyny has-da giňeltmek ylalaşygyna geldi.