Kanada ýerli halklara “medeni genosid” üçin $2,1 milliard tölär
Kanada öz ýerli halklaryna Kanadanyň internat-mekdep ulgamy sebäpli olaryň dillerini we medeniýetlerini ýitirendikleri üçin 2,1 milliard dollar töweregi kompensasiýa tölemäge razy boldy.
Bu karar fewral aýynyň ahyrynda federal kazyýet tarapyndan tassyklanar.
Bu pul "ýerli halklaryň bilimini, medeniýetini we dilini dikeltmek we olaryň özlerine dolanmagy we öz miraslaryna gaýtadan eýe bolmagy üçin Kanada hökümetinden garaşsyz gazna" berler.
1831-nji ýyldan 1996-njy ýyla çenli Kanadada 130-dan gowrak internat-mekdep işledi. Bu mekdepler buthana tarapyndan dolandyrylýardy we Kanadanyň ýerli çagalary assimilýasiýa etmek üçin ýöredýän syýasatynyň bir bölegi bolupdy.
Inernat-mekdepleriň işlän döwründe ýerli halklaryň 150 müňe golaý wekili olaryň içinden geçdi. Bu döwürde sowuk howa, ýeter-ýetmez nahar we keselçilik sebäpli azyndan 3200 çaga öldi. Mekdepde okan çagalaryň köpüsi fiziki, duýgy we jynsy taýdan kemsidildi.