CPJ Bişkegi Kloop.kg saýtyna edýän basyşyny bes etmäge çagyrýar
Žurnalistleri goramak baradaky halkara gurama (CPJ) Gyrgyzystanyň Medeniýet, maglumat, sport we ýaşlar syýasaty ministrliginiň Kloop.kg web sahypasyndaky materialy aýyrmak baradaky talabyna düşündiriş berdi.
Gürrüňi edilýän materialda Jemgyýet ösüşi we maýa goýum gullugy (ARIS), şeýle-de Gyrgyzystanyň prezident administrasiýasynyň metbugat gullugynyň başlygy Daýrbek Orunbekowyň ady agzalýar.
Žurnalistleri goraýan guramanyň pikiriçe, Kloop.kg neşirini senzura etmek synanyşygy ýalan maglumatlar baradaky kanunyň nähili derejede "bimanydygyny" we "esassyzdygyny" görkezýär.
Ýüzlenmäniň awtorlary Gyrgyzystanda žurnalistlere garşy barha güýçlendirilýän repressiýalaryň bes edilmelidigini bellediler.
"Gyrgyz häkimiýetleriniň ýurduň iň abraýly habar beriş serişdelerinden birini, Klopy senzura etmek synanyşygy, ýalan maglumatlar baradaky kanunyň manysyzdygyny we ýatyrylmalydygyny ýene bir gezek görkezýär" diýip, CPJ-niň Ýewropa we Merkezi Aziýa maksatnamanyň utgaşdyryjysy Gulnoza Said aýtdy.