Tanymal eýranlylar Eýrandaky demokratiýa hereketiniň geljegini maslahatlaşar
16-njy sentýabrda baş örtügini düzüw bürenmekde aýyplanyp saklanan we tussaghana ölen ýaş gyz zerarly turan halk protestleriniň dowam etmeginiň arasynda, Eýranyň sekiz sany oppozisiýa wekili şu hepde Jorjtaun uniwersitetinde (Georgetown University) duşuşyp, ýurduň demokratiýa ugrunda alyp barýan tagallalaryny geljegini ara alyp maslahatlaşjakdyklaryny habar berdi.
10-njy fewralda boljak maslahata hukuk aktiwisti Masih Alinejad, Eýranyň bosgunlykda ýaşaýan ozalky täç geýdirilen şazadasy Reza Pahlawi, PS752 Uçuş maşgalalarynyň birleşiginiň metbugat wekili Hamed Esmaeilion, hukuk aktiwisti Nazanin Boniadi dagy gatnaşar.
Şeýle-de, bu duşuşyga Nobel baýragynyň eýesi Şirin Ebadi, tanymal eýranly aktrisa Golşifteh Farahani, Eýranyň Kürdüstan Komala partiýasynyň lideri Abdullah Mohtadi we Eýranyň milli futbol toparynyň öňki kapitany Ali Karimi online arkaly gatnaşar.
Düýbi Waşingtonda ýerleşýän Jorjtaun uniwersiteti tarapyndan çap edilen habara görä, “Eýranyň demokratiýa hereketiniň geljegi” atly ýygnakda sekiz adam bilelikde oturar.