Türkmenistanyň prezidenti ýene birnäçe emeldaryny täzeledi
Prezident Serdar Berdimuhamedow Toýguly Nurowy Türkmenistanyň senagat we gurluşyk önümçiligi ministri wezipesine bellemek baradaky karara gol çekdi diýip, TDH 16-njy fewralda habar berdi.
Şeýle-de, saglyk ýagdaýy sebäpli, Meretdurdy Gurbanowyň Köneürgenç etrabynyň häkimi wezipesinden boşadylandygy habar berilýär.
Onuň wezipesi, adatça bolşy ýaly, ozal Köneürgenç etrabynyň häkiminiň orunbasary bolup işlän Merdan Atakeýewiň üstüne ýüklenilipdir.
Türkmenistanyň senagat we gurluşyk önümçiligi ministriniň täzelenmegi Siriýada we Türkiýede bolan güýçli ýer yranmalarynda müňlerçe adamyň heläk bolmagynyň yz ýanyna gabat geldi.