Gyrgyz kazyýeti aktiwistleriň, žurnalistleriň deslapky tussaglyk möhletini uzaltdy
Bişkek kazyýeti Özbegistan bilen aradaky jedelli serhet şertnamasyna garşy çykandan soň, oktýabrda tussag edilen 26 aktiwistiň, oppozisiýa syýasatçysynyň we žurnalistiň deslapky tussaglyk möhletini apreliň ahyryna çenli uzaltdy.
Birinji maý etrap kazyýeti 17-nji fewralda toparyň bäş zenan agzasy bilen bagly kararyny yglan etdi. Beýlekiler babatda 15-16-njy fewralda kararlar kabul edildi.
Bu kazyýet işinde dört adam öý tussaglygynda bolar, beýlekiler deslapky tussaglykda saklanar.
Olar jedelli suw howdanyny Özbegistana beren gyrgyz-özbek serhet şertnamasy bilen bagly bidüzgünçilikleri meýilleşdirmekde aýyplanýarlar.