Owgan dini alymlary gyzlaryň bilim almagynyň gadagan edilmegini tankytlaýar
8-nji aprelde Owganystanyň dini alymlary aýal-gyzlaryň bilim almagynyň gadagan edilmegini tankyt etdiler. Bu waka, "Talybanyň" täsirli ministriniň ruhanylary bu jedelli mesele boýunça hökümete garşy çykmazlygy duýduran mahalyna gabat geldi.
Owganystanda gyzlar altynjy synpdan soň mekdebe baryp bilmeýärler, şol sanda ýokary bilim hem alyp bilmeýärler.
Iki sany tanymal dini alym häkimiýetleriň bu karara täzeden garamalydygyny aýtdy.
Owganystanda "Talyban" syýasatyna köpçülik öňünde garşylyk görkezilmegi seýrek duş gelýän wakadyr. Muňa garamazdan, aşa konserwatiw toparyň käbir ýolbaşçylary karar bermek prosesi bilen ylalaşmaýandyklaryny mälim etdiler.
Alym Abdul Rahman Abid edaralara gyzlary we aýallary, aýratyn synplarda okamak arkaly, okuwa gaýtadan kabul etmäge, aýal mugallymlary işe almaga, iş tertibini üýtgetmäge we hatda täze desgalary gurmaga rugsat berilmelidigini aýtdy.