Dartgynlylyk wagtynda Eýranyň we Azerbaýjanyň daşary işler ministrleri gepleşikleri geçirdiler
Eýranyň daşary işler ministri Hussein Amirabdollahian we onuň azerbaýjanly kärdeşi Jeýhun Baýramow iki telefon gepleşiginde iki ýurduň arasyndaky "problemalary we düşünişmezlikleri" ara alyp maslahatlaşdylar diýip, 8-nji aprelde Eýranyň döwlet mediasy habar berdi. Bu waka, Bakuwyň "prowokasiýa hereketleri" sebäpli dört eýranly diplomaty ýurtdan çykarmagyndan birnäçe gün soňa gabat geldi.
Eýranly diplomatlaryň Azerbaýjandan çykarylmagy, belli bir derejede Bakuwyň Tähranyň duşmany Ysraýyl bilen gatnaşyklaryny gowulandyrmagy sebäpli ýüze çykan, iki ýurduň arasyndaky gatnaşyklaryň ýaramazlaşan mahaly boldy. Baku geçen hepde Ysraýylda öz ilçihanasyny açdy.
Dawa-jenjel wagtynda Azerbaýjan Eýranyň Tährana garşy azerbaýjanly deputata edilen janyna kast etmek synanyşygy bilen arabaglanyşygynyň bolup biljekdigini öňe sürdi.
Tähran bu aýyplamany ret etdi.
Eýranyň demirgazyk-günbatarynda köp sanly etniki azerbaýjan ýaşaýar.