Gazak žurnalisti Ahmedýarow 15 günlük türme tussaglygyna höküm edildi
Gazagystanyň demirgazyk-günbataryndaky Oral şäheriniň kazyýeti žurnalist Lukpan Ahmedýarowy 9-njy aprelde geçen aý geçirilen parlament saýlawlarynyň netijelerine garşy guralan ýygnanyşyklara gatnaşandygy üçin 15 gün azatlykdan mahrum etdi.
Kazyýet Ahmedýarowy köpçülikleýin ýygnanyşyklary geçirmek düzgünlerini bozmakda aýyplap, 12-nji aprel güni giçlik tussaglyk hökümini çykardy.
Ahmedýarow özüniň günäkär däldigini aýtdy. Mundan öň, 12-nji aprelde Merkezi Aziýa ýurdunyň iň uly şäheri Almatynyň kazyýetleri oppozisiýa syýasatçysy Muhtar Taýžany we aktiwist Alnur Iliýaşewi şol bir aýyplama esasynda 15 gün azatlykdan mahrum etdi.
Ahmedýarow we Taýžan 19-njy martda geçirilen ses berişlige garaşsyz kandidat hökmünde gatnaşdy.
Saýlawlarda häkimiýet başyndaky “Amanat” partiýasy köp orun gazandy.
Garaşsyz kandidatlaryň we oppozisiýa aktiwistleriniň köpüsi bu ses berişligiň galplaşdyrylandygyny öňe sürdi.