Новости за 14.04.2023

Mary welaýatynda aprel aýyna mahsus bolmadyk, adatdan daşary yssy howa boldy. Howanyň temperaturasy +40 gradusdan aşdy. Bu aralykda, sebitiň bilim resmileri şu hepde güýçli ýeliň turmagynyň mümkindigini duýdurýarlar. Bu maglumatlar, Türkmenistanda üstümizdäki hepde rekord derejede yssy howanyň bolmagyna we güýçli ýeliň turmagyna garaşylýandygy baradaky habarlaryň yz ýanyna gabat geldi. "13-nji aprelde howanyň temperaturasy +41 gradusdan aşdy. Howa diňe yssy bolman, eýsem ýiti tozanly, ýalynly şemal hem boldy. Читать дальше...

Türkiýede ýaşamagyny kanunlaşdyrmak meselesi bu ýurtdaky türkmen raýatlary üçin esasy kynçylyklaryň biri bolmagynda galýar. Türk häkimiýetleriniň daşary ýurtlulardan edýän migrasiýa talaplaryny güýçlendirmegi bilen bir hatarda pasportynyň gutarmagy köpsanly türkmen raýatynyň ýagdaýyny kynlaşdyrýar we kanuny taýdan Türkiýede galmagyna mümkinçilik bermeýär. Bu aralykda, bikanun galandygy sebäpli tussag edilenler kyn ýagdaýa düşýär. Adam hukuklaryny goraýjylar Türkiýedäki deportasiýa merkezlerinde türkmen... Читать дальше...

Türkmenistanly Jemal Türkiýede birnäçe ýyl bikanun esasda ýaşady. Ol býurokratik päsgelçilikler sebäpli, ýan ýoldaşy Metin bilen durmuş nikasyny resmileşdirip bilmedi. Jemal Türkiýeden deportasiýa edilmek töwekgelçiligi bilen birnäçe gezek ýüzbe-ýüz boldy. Mundan bir aý öň jübüde öz nikalaryny resmi taýdan hasaba aldyrmak başartdy. Indi Jemal Türkiýede kanuny esasda ýaşamaga bil baglap biler. Türkmen migrant zenany geljekde türk pasportyny almaga taýýarlanýar.

Lebap welaýatynda ýagan güýçli ýagyş ekişi tamamlanan gowaça meýdanlaryny zaýalandan soň, sebitiň pagtaçy kärendeçileri gowaça ekişine täzeden girişdiler.

Aşgabatda öňki prezidentiň ejesi we häzirkisiniň enesi bolan Ogulabat Berdimuhamedowanyň ýas çäreleri dowam etdirýärler. Azatlygyň habarçylary şu anna gününe planlaşdyrylýan ýas çärelerine taýýarlyklar barada habar berýärler.

Aşgabatdaky “Gurbansoltan eje” adyndaky çagalar hassahanasy ýüz tutup gelýänlere kadaly bejergi berip bilmeýär. Paýtagtlylar näsag perzentleri bilen nobatlarda kä halatlarda uzakly gün garaşmaly bolýandyklaryny, gerekli serişdeleri hem öz hasaplaryna satyn alýandyklaryny aýdýarlar. Lukmanlar bolsa, däri-derman üpjünçiliginiň pesdigini, şeýle-de häkimiýetleriň mejbury çäreleri sebäpli hassa çagalara doly garaşyk edip bilmeýändiklerini nygtaýarlar. Bu aralykda, entek sowetler döwri gurlan bu hassahananyň binasy hem düýpli bejergä mätäç.

Düýbi Birleşen Ştatlarda ýerleşýän Çikago uniwersitetiniň hem-de Maryland uniwersitetiniň informasiýa tehnologiýalary boýunça hünärmenler toparynyň geçiren täze barlaglary Türkmenistanda 122 müňden gowrak Internet domen atlarynyň petikli saklanýandygyny anyklady. Bu barada “Global Voices” neşiri habar berýär.

1-nji mart – 10-njy aprel aralygynda döwlet edara-kärhanalaryndaky işini taşlap, iş gözleginde daşary ýurtlara gidýän raýatlaryň sany görnetin artdy diýip, Azatlyk Radiosynyň ýagdaýdan habarly çeşmesi aýdýar.

Şu günler Balkan welaýatynyň häkimiýetleri 2000-nji ýyldan öň öndürilen ýeňil awtoulaglaryň “tehniki guratlyk gözegçiliginden geçirilmegine” rugsat bermeýärler. Polisiýanyň ýol gözegçiligi gullugynyň Awtoulaglaryň tehniki ýagdaýyny anyklaýyş we hasaba alyş edarasynyň birnäçe işgäri häkimiýetleriň bu çäräniň esasynda sebiti "köne" ulaglardan arassalamagy maksat edinýändigini aýdýar.

13-nji aprelde Özbegistanyň Samarkant şäherinde Owganystanyň iň ýakyn goňşularynyň dördünji ministrler duşuşygy geçirildi. Ýygnakda Türkmenistana daşary işler ministriniň birinji orunbasary Wepa Hajyýew wekilçilik etdi. Türkmenistanyň Daşary işler ministrligi owgan meselesine bagyşlanan duşuşyk barada heniz beýanat bermedi. Media maglumatlaryna görä, duşuşyga Özbegistanyň daşary işler ministriniň wezipesini wagtlaýyn ýerine ýetiriji Bahtiýor Saidow, Hytaýyň daşary işler ministri Kin Gang, Eýranyň... Читать дальше...

Gazagystanyň Mejlisiniň deputaty Karakat Abden "daşary ýurtla durmuşa çykýan gyzlara salgyt salmagy" teklip edýär we ony parlamentde ara alyp maslahatlaşmak üçin, öňe sürmäge taýýardygyny aýdýar. Abdeniň bu beýanaty Gazagystanyň jemgyýetinde gyzgyn jedellere sebäp boldy. Aktiwistleriň bir topary Abdeniň deputatlyk mandatyny yzyna almak üçin, talap hatyny başlatdylar. «Gazak gyzlary — milli tumardyr. Biz ol tumary nädip daşary ýurtla berip bileris?! Şonuň üçin mende şeýle teklip bar — daşary ýurtly bilen baglaşylan nika salgyt salmaly» diýip... Читать дальше...

Halkara pul gaznasynyň dolandyryjy müdiri 13-nji aprelde global söwda bölünişiginiň ýokarlanmagynyň gymmat düşjek netijeleriniň öňüni almak we "ikinji sowuk uruşdan" sowulmaga kömek etmek üçin has köp işiň edilmelidigini aýtdy. "Men Sowuk urşuň netijeleriniň nämedigini gowy bilýänleriň biri: Bu zehiniň we dünýä goşuljak goşantlaryň ýitirilmegi” diýip, Kristalina Georgiýewa Bütindünýa Bankynyň we Halkara Pul Gaznasynyň Waşingtonda ýazky duşuşyklarynyň resmi açylyşynda guralan metbugat ýygnagynda aýtdy. Читать дальше...

Gazagystanyň demirgazyk-günbataryndaky Oral şäheriniň kazyýeti žurnalist Lukpan Ahmedýarowy 9-njy aprelde geçen aý geçirilen parlament saýlawlarynyň netijelerine garşy guralan ýygnanyşyklara gatnaşandygy üçin 15 gün azatlykdan mahrum etdi. Kazyýet Ahmedýarowy köpçülikleýin ýygnanyşyklary geçirmek düzgünlerini bozmakda aýyplap, 12-nji aprel güni giçlik tussaglyk hökümini çykardy. Ahmedýarow özüniň günäkär däldigini aýtdy. Mundan öň, 12-nji aprelde Merkezi Aziýa ýurdunyň iň uly şäheri Almatynyň... Читать дальше...

Eýranyň bir akademiki topary geçen sentýabrda yslam geýim-eşik düzgünini bozmakda aýyplanyp saklanan we tussaglykda ölen 22 ýaşly Mahsa Amini sebäpli tutuş ýurt boýunça geçirilen protestlerden soň 400-den gowrak studentiň ýa okuwyndan çykarylandygyny, ýa-da wagtlaýyn çetleşdirilendigini aýdýar. Eýran studentleriniň bileleşigi geňeşi 13-nji aprelde 435 studentiň bikanun we howpsuzlyk sebäpli görülýän çäreleriň düzgün-nyzam temmilerine sezewar edilendigini aýtdy. Şeýle-de, protest bildirýän studentlere ýoldaş bolandyklary üçin... Читать дальше...