Blinken Russiýany tussaglykdaky žurnalist Gerşkowiçi görmäge ygtyýar bermäge çagyrýar
ABŞ-nyň döwlet sekretary Antoni Blinken Birleşen Ştatlaryň konsullyk işgärlerine Wall Street Journal (WSJ) neşiriniň Russiýada tussaglykda saklanýan habarçysy Ewan Gerşkowiçe görmegine ygtyýar berilmändigini mälim etdi.
15-nji aprelde Wýetnamda eden çykyşynda Blinken Moskwanyň “şu wagtyň özünde” ygtyýarlygy bermelidigini aýtdy.
Gerşkowiç Sowuk Urşy döwründen bäri Russiýada içalyçylyk aýyplamalary esasynda tussag edilen birinji žurnalist boldy. Ol 30-njy martda Uralyň Ýekaterinburg şäherinde tussag edildi. Oňa garşy harby senagat toplumynyň syrly maglumatlaryny toplamak boýunça iş açyldy.