Moldowa tatar liderini ýurda goýbermän, Moskwanyň içerki işlere gatyşmazlygyny sorady
Moldowa sebitleýin saýlawlaryň öňüsyrasynda bir rus wekiliýetiniň ýurda girmegini gadagan edeninden soň, rus syýasatçylaryna ýurduň içerki işlerine goşulmaň diýdi.
Russiýanyň Tatarystan sebitiniň baştutany Rustam Minnikhanowyň ýolbaşçylygyndaky delegasiýa 17-nji aprelde resmi ýagdaýda,Tatarstanyň hökümet uçarynda Moldowa geldi, ýöne olara uçardan düşmäge rugsat berilmedi.
Polisiýanyň beýanatynda aýdylmagyna görä, bu saparyň maksady 30-njy aprelde geçiriljek saýlawda ýarym awtonom Gagauzia sebitiniň lideri wezipesine dalaş edýän orsýetçi dalaşgäre goldaw bildirmekden ybarat.
Moldowa Russiýany ýurdy durnuksyzlaşdyrmaga synanyşmakda aýyplaýar, Moskwa bu aýdylýany inkär edýär.