Taryh sahypalaryna syýahat: Beýik Seljuk döwletinden söz açýan möhüm eserler (2-nji bölüm)
Dünýä Türkmenleriniň nobatdaky sanynda Beýik Seljuk döwleti baradaky söhbetdeşligiň dowamyny diňleýjilerimiziň dykgatyna ýetirýäris.
XI asyryň ortalaryndan tas XIII asyra çenli häzirki Türkmenistanyň çägini hem öz içine alan ýüzlerçe müň inedördül kilometrlik territoriýada höküm ýöreden Seljuk döwleti taryhda yz galdyrdy.
Taryhy çeşmelere görä, oguz türkmenleriniň kynyk tiresinden bolan seljuklar Togrul begiň we Çagry begiň ýolbaşçylygynda esasy paýtagtlarynyň biri häzirki Türkmenistanyň çägindäki gadymy Merw şäheri bolan Beýik Seljuk döwletini esaslandyrdy.
Geçen gepleşigimizde Seljuk döwletiniň döwlet dili barada gürrüň etdik. Bu sanymyzda Seljuk döwleti baradaky söhbetdeşligiň dowamyny diňleýjilerimiziň dykgatyna ýetirýäris. Gepleşigimize Pragadan türkmen ýazyjysy Hudaýberdi Hally gatnaşýar.