Gazak aktiwistleri syýasy yzarlamalaryň pidalaryna bagyşlanan çäräni goýbolsun etdiler
Gazagystanly aktiwistler 31-nji maýda Syýasy yzarlamalaryň pidalarynyň hatyra gününe bagyşlap geçirmekçi bolan ýörişlerini goýbolsun etdiler.
Olar polisiýanyň egindeşleriniň birnäçesini tussag edendigini we bu çäräniň geçirilmegine başga-da bir topar päsgelçilik döredendigini aýtdylar.
Guramaçylar bu çäräni geçirmäge ýene, 27-nji sentýabrda gaýtadan synanyşjakdyklaryny aýtdylar. Polisiýa bu waka barada hiç bir düşündiriş bermedi.
Ýöne prokuratura adamlara ýörişe gatnaşmazlyk barada duýduryş berdi we parahatçylykly ýygnak baradaky kanuny bozanlaryň 25 güne çenli türme tussaglygyna höküm ediljekdigini aýtdy.