Gazagystandaky ýangynda ölenleriň sany 15 adama ýetdi
Gazagystanyň demirgazyk-gündogaryndaky Abaý sebitinde dörän ýangynlarda ölenleriň sany 13-nji iýunda, traktorçynyň jesedi tapylandan soň, 15 adama ýetdi.
Içeri işler ministrligi bu adamyň 9-njy maýda ýitendigini, onuň Kaştak obasynyň golaýyndaky tokaý işgärlerine ot öçürmäge kömekleşendigini aýtdy.
Gazagystan 12-nji iýunda ölendigi tassyklanan 14 tokaý işgäriniň ýasyny tutdy.
Prezident Kasym-Žomart Tokaýew adatdan daşary ýagdaýlar ministrini täzeledi we sebit häkimi Nurlan Uranhaýewe, 60 gektar meýdana ýaýran ýangyna garşy göreşde degerli çäreleri görüp bilmändigi üçin diýip, käýinç yglan etdi.