HRW: Azerbaýjanda oppozisiýa lideri "galp" aýyplamalar bilen tussag edildi
Adam hukuklarynyň berjaý edilmegine gözegçilik edýän “Human Rights Watch” (HRW) guramasy 25-nji iýulda azerbaýjanly oppozisiýa lideri we alym Gubad Ibadoglunyň derhal tussaglykdan boşadylmagyna çagyrdy.
Narimanow etrap kazyýeti 24-nji iýulda Ibadogluny galp pullary ýasamak, satyn almak ýa-da satmak aýyplamalary esasynda dört aýlap deslapky tussaghanada saklamak hökümini çykardy diýip, HRW aýtdy.
"Ibadoglunyň tussag edilmegi Azerbaýjanda hökümet tankytçylaryna garşy uzak wagt beri ulanylýan gümürtik aýyplamalar ülňüsine gabat gelýär" diýip, HRW-nyň Ýewropa we Merkezi Aziýa bölüminiň müdiriniň orunbasary Giorgi Gogia aýtdy.
“Bu hili galp aýyplamalar diňe bir maksatdan, ýurtdaky oppozisiýany we tankydy sesleri susdurmak niýetinden ugur alýana meňzeýär. Ol häziriň özünde boşadylmaly” diýip, Gogia aýtdy.