Rus ministri Demirgazyk Koreýa 'harby gatnaşyklary berkitmäge' bardy
Russiýanyň goranmak ministri Sergeý Şoýgu iki ýurduň arasyndaky "harby gatnaşyklary berkitmek" maksady bilen, ikinji gün Demirgazyk Koreýa sapara bardy diýip, Goranmak ministrliginiň telegram kanalynda habar berildi.
Şeýle-de, Şoýgunyň Phenýan howa menzilinde Demirgazyk Koreýanyň goşun generaly Kang Sun Nam we hormat garawuly bilen garşy alnandygy aýdylýar.
Rus ministrliginiň maglumatyna görä, Şoýgunyň ýolbaşçylygyndaky delegasiýa "1950-1953-nji ýyllaryň watançylyk azat ediş urşunda koreý halkynyň gazanan ýeňşiniň 70 ýyllygyna bagyşlanan çärelere" gatnaşar.
Bu ýerde gürrüň Günorta Koreýa bilen Demirgazyk Koreýanyň arasynda bolan uruş hakynda barýar.