Uruş gözegçisi: YD hüjüminde Siriýanyň 23 esgeri öldürildi
Uruş-gowga netijesinde tozdurylan ýurduň gündogarynda bir harby awtobusa edilen hüjümde Siriýa režiminiň azyndan 23 esgeri öldürildi, bu hüjüm “Yslam döwleti” toparynyň jihadçylaryndan görülýär diýip, urşa gözegçilik edýän topar 10-njy awgustda habar berdi.
Düýbi Britaniýada ýerleşýän Adam hukuklary obserwatoriýasynyň maglumatyna görä, “Yslam döwleti” toparynyň Deýr Ezzor sebitindäki agzalary 10-njy awgustda harby awtobusy nyşana alyp, 23 esgeri öldürdiler. Şeýle-de, hüjümde 10 esgeriň ýaraly bolandygy aýdylýar.