Eýran baş hijaba garşy aýdym aýdan bagşyny jenaýatda aýyplaýar
Eýranyň kazyýet ulgamy tanymal estrada aýdymçysy Mehdi Ýarrahä garşy anyklaşdyrylmadyk jenaýat işini açdy.
Kazyýet 27-nji awgustda "Yslam jemgyýetiniň ahlagyna we däp-dessurlaryna garşy gelýän bikanun aýdym sebäpli kazyýet işiniň açylandygyny" aýtdy.
Ýarrahi 25-nji awgustda aýal-gyzlary hökmany baş örtülerini aýyrmaga çagyrýan “Siziň baş örtiňiz” atly aýdym çykardy. Aýdymyň wideosynda baş örtüli aýallaryň tans edişi görkezilýär. Ýarrahiniň haýsy jenaýat aýyplamasy bilen ýüzbe-ýüz bolup biljekdigi entek belli däl. Ol entek tussag edilmedi.