Ermenistan, ABŞ güýçleri bilelikde türgenleşik geçirer
Ermenistan we ABŞ güýçleri indiki hepdeden başlap, Ýerewanyň Azerbaýjan bilen Dagly-Garabag sebitindäki dartgynlylygynyň artýan wagtynda, bilelikde harby türgenleşik geçirer.
Ermenistanyň Goranmak ministrligi 6-njy sentýabrda dokuz gün dowam etjek türgenleşigiň “parahatçylygy goraýyş wezipeleriniň ýerine ýetirilýän wagtynda gapma-garşy taraplaryň arasyndaky durnuklaşdyryş amallaryny” hem öz içine aljakdygyny aýtdy.
ABŞ resmileri häzirlikçe hiç bir düşündiriş bermediler. Ýerewanda bu hili türgenleşik ilkinji gezek geçirilýär. Bu türgenleşik krizisiň ýitileşýän wagtyna gabat geldi.
Ýerewan we ýerli häkimiýetler Azerbaýjany Dagly-Garabagy gabap, azyk, ýangyç we esasy önüm ýetmezçiligine sebäp bolmakda aýyplaýar. Baku bu aýyplamalary ret etdi.